İstanbulda inşa ediləcək nəhəng gəmi
NATO-nun son zirvə görüşündə Avropa ölkələri milli gəlirlərinin 5%-ni müdafiə büdcələrinə ayırmaq öhdəliyi götürsələr də, İspaniyanın bu qərara qoşulmaması diqqət çəkmişdi. Lakin İspaniya mətbuatında yayılan xəbərlərə görə, Madrid Ankara ilə güc birliyi edərək Avropanın ən böyük
təyyarədaşıyan gəmisinin inşası layihəsində mühüm rol oynayacaq.
Türkiyə Respublikası Müdafiə Sənayesi Komitəsi (SSB) tərəfindən verilən açıqlamada, təxminən 300 metr uzunluğunda olacaq bu nəhəng
təyyarədaşıyan gəmisinin İstanbuldakı tərsanələrdə istehsal ediləcəyi bildirilib. Türk mühəndisliyinin və işçi qüvvəsinin möhürünü vuracaq layihə, Avropanın ən inkişaf etmiş və güclü
donanma platformalarından biri kimi dünya səhnəsində yerini alacaq. İspaniyanın "Navantia" şirkəti ilə həyata keçirilən bu ortaq layihə Türkiyənin Aralıq və Qara dənizlərdəki fəaliyyətini artırmaq hədəfinin konkret təzahürü kimi qiymətləndirilir.
Texnoloji üstünlük və operativ imkanlar
İspaniya mətbuatı qeyd edir ki, Madrid öz müdafiə büdcəsindəki məhdudiyyətlərə baxmayaraq, Türkiyənin texnoloji üstünlüyünə güvənərək belə böyük bir layihəyə girişib. Gəminin texniki xüsusiyyətləri layihənin miqyasını və əzmkarlığını açıq şəkildə nümayiş etdirir. Katapultlu və ya STOBAR (qısa uçuş, tutma telləri ilə eniş) qalxış sistemi ilə təchiz ediləcək gəmidə sabit qanadlı təyyarələr, helikopterlər və yerli pilotsuz uçuş aparatları (PUA) fəaliyyət göstərə biləcək. Bu, Türkiyənin yerli müdafiə texnologiyalarındakı inkişafını və inteqrasiya qabiliyyətini bir daha ortaya qoyur.
Hərbi müdafiə qabiliyyəti artımı və regional liderlik
Son illərdə TCG Anadolu kimi mühüm platformalarla donanmasını gücləndirən Türkiyə, bölgədəki enerji dəhlizləri və dəniz yollarının təhlükəsizliyini təmin etmək məqsədilə bu
təyyarədaşıyan gəmisi ilə hərbi
müdafiə qabiliyyətini əhəmiyyətli dərəcədə artıracaq. Aralıq, Qara və Egey dənizlərində artan geosiyasi gərginliklərdə ölkənin mövqeyini gücləndirəcək bu gəmi, mütəxəssislərin fikrincə, yalnız bir döyüş vasitəsi deyil, eyni zamanda Türkiyənin regional liderlik iddiasının konkret göstəricisi olacaq.
NATO-dakı mövqenin güclənməsi
NATO daxilindəki tarazlıqlar baxımından da böyük əhəmiyyət daşıyan bu layihə, İspaniyanın müdafiə xərclərini artırma çağırışlarına məsafəli yanaşmasından sonra Türkiyə ilə qurduğu bu strateji ittifaqla daha da məna kəsb edir. İspaniya mediasında yer alan şərhlərdə "Türkiyənin regional liderliyi və inkişaf edən
müdafiə qabiliyyəti İspaniyanın strateji seçimlərində müəyyənedici oldu" ifadəsi önə çıxır. Bu vəziyyət Ankaranın NATO-dakı mövqeyini gücləndirəcəyinə dair işarələr verir.
Müdafiə tarazlıqlarını dəyişdirəcək
Qarşıdakı onillikdə bu
təyyarədaşıyan gəmisi ilə Türkiyənin Cənubi Avropanın dənizlərində də mühüm mövqeyə gəlməsi gözlənilir. İspaniya mətbuatına danışan analitiklərə görə, İstanbulda inşa ediləcək bu nəhəng gəmi Türkiyənin yalnız öz
müdafiə qabiliyyətini artırmaqla qalmayıb, eyni zamanda Avropanın müdafiə tarazlıqlarını da dəyişdirəcək.
24 saat
