Naviqasiyaya daha bir təhdid: Qara dənizdə pilotsuz aparat məhv edildi

Qara dənizdə insansız obyekt aşkarlandı

Rumıniya Müdafiə Nazirliyindən verilən yazılı açıqlamaya görə, Hərbi Dəniz Qüvvələrinə bağlı partlayıcı maddələr üzrə ixtisaslaşmış dalğıc mütəxəssislərinin olduğu müşahidə gəmisi Konstansa şəhərindən 36 dəniz mili şərqdə naməlum bir insansız dəniz vasitəsi aşkar edib.

Açıqlamada qeyd olunub ki, komanda, gəmiçilik marşrutları üçün təhlükə yaradan sözügedən obyektin zərərsizləşdirilməsi barədə təsdiq alıb. Bildirilir ki, aşkar edilmiş insansız dəniz vasitəsi dəniz trafikinin təhlükəsizliyinə ciddi təhdid yaradırdı.

Naviqasiya təhlükəsizliyi və risklər

Rumıniya Hərbi Dəniz Qüvvələri həm öz heyəti, həm də Şimali Atlantika Müqaviləsi Təşkilatına (NATO) üzv dövlətlərin əməkdaşlığı ilə dəniz məsuliyyət zonalarını davamlı olaraq izləyir və nəzarətdə saxlayır.

Açıqlamada həmçinin vurğulanıb ki, belə obyektlər, eləcə də sürüyən dəniz minaları naviqasiya təhlükəsizliyi üçün ciddi risk mənbəyidir.

24 saat