Nehir Erdoğan 'Yaşlanmışsın' Sözlərinə Cavab Verdi

Yabancı Damat" Serialının Ulduzu Gündəmdə

Özgür Çevik, Nehir Erdoğan, Sumru Yavrucuk, Erdal Özyağcılar və Binnur Kaya kimi məşhur simaların rol aldığı "Yabancı Damat" serialı yayımlandığı dövrdə böyük rezonans doğurmuşdu. Ekran işinin baş rollarını ifa edən aktrisa və Özgür Çevik geniş populyarlıq qazanaraq, tamaşaçıların yaddaşına "Nazlı" və "Niko" obrazları ilə həkk olunmuşdular. Həmin dövrdə gözəlliyi ilə diqqət çəkən aktrisa sonrakı illərdə "Sana Söz", "Fi", "Benim Adım Melek" və "Yasak Elma" kimi bir çox layihədə də yer almışdı.

Aktrisanın Təbii Hali Sosial Şəbəkələrdə

Uzun müddətdir ekranlardan uzaq qalan Nehir Erdoğan ötən gün Instagram hesabında bir fotoşəkil yayımlayıb. Yayımlanan şəkilə "İllər sənə də aman verməyib", "Nə qədər qocalıb", "Həddən artıq dəyişib, çox kədərləndim", "Qadınlar yaşlandıqca gözəlləşir, amma sən..." kimi çoxsaylı rəylər gəlib. 45 yaşlı aktrisa hər bir rəyə tək-tək cavab verib. Aktrisa "Nə qədər qocalıb" şərhi üçün "Çox xoşbəxtəm" deyərkən, "Həddən artıq dəyişib, çox kədərləndim" rəyinə "Çox kədərlənmə, körpəm, meşələrimiz yandı, kədərini doğru yerə yönəlt" cavabını verib. "Qadınlar yaşlandıqca gözəlləşir, amma sən..." deyə yazan izləyicisinə "Ah bu mən!" cavabını verən aktrisa daha sonra makiyajsız və təbii halını da paylaşıb.

24 saat