Netanyahu: Qəzzada atəşkəsin ikinci mərhələsi tezliklə başlayacaq

Netanyahudan Qəzzadakı Atəşkəsə dair Açıqlamalar

Netanyahu Qəzzada atəşkəsin ikinci mərhələsi - İsrailə səfər edən Almaniya Baş naziri Friedrich Merz və Baş nazir Binyamin Netanyahu keçirdikləri görüşlərdən sonra Qərbi Qüdsdə birgə mətbuat konfransı təşkil edibl.

Netanyahu Qəzzadakı atəşkəs razılaşmasının ilk mərhələsinin demək olar ki, başa çatdığını və yaxın zamanda ikinci mərhələyə keçiləcəyini gözlədiyini bildirib.

Bu ayın sonunda ABŞ Prezidenti Donald Trampla keçirəcəyi görüşdə Qəzza zolağındakı atəşkəsi də müzakirə edəcəyini qeyd edən Netanyahu, ikinci mərhələnin daha çətin olacağını düşündüyünü ifadə edib.

O, üçüncü mərhələnin "Qəzzanın radikallıqdan təmizlənməsi" olacağını irəli sürərək, sözügedən prosesin İkinci Dünya müharibəsindən sonra Almaniyada da həyata keçirildiyini müdafiə edib. Merzin görüşdə Fələstin Dövlətinin qurulması çağırışına qarşı çıxan Netanyahu, Fələstin Rəhbərliyini "legitim sülh tərəfdaşı" kimi görmədiklərini söyləyib.

Baş nazir Netanyahu, korrupsiya işindən bağışlanması müqabilində siyasəti tərk etməyəcəyini bəyan edib.

Merz: İsrail-HƏMAS müharibəsi Almaniyanı Dilemmaya Salır

Almaniya Baş naziri Friedrich Merz isə İsrailin Qəzza zolağına hücumları həyata keçirmə tərzinin Almaniyanı "bir dilemma ilə üz-üzə qoyduğunu" bildirib.

Merz deyib ki, "Almaniya İsrailin təhlükəsizliyi, insan ləyaqəti və ədalət üçün mövqe tutmalıdır. Müharibə vəziyyətində olan bir ölkə və demokratik konstitusiya dövləti olaraq İsrail beynəlxalq hüquqla da ölçülməlidir."

Berlinin iki dövlətli həllə bağlılığını təkrarlayaraq Fələstin Dövlətinin tanınmasının sülh prosesinin “başında deyil, sonunda" ola biləcəyini müdafiə edən Merz, Təl-Əviv rəhbərliyini işğal altındakı Qərbi Şəriyənin İsrail tərəfindən "ilhaqı demək ola biləcək" siyasi və ya struktur hərəkətlərinə qarşı xəbərdarlıq edib.

Qəzza zolağındakı atəşkəs razılaşmasına toxunaraq "HƏMAS-ın Qəzzada rolu ola bilməz. İsrail üçün təhlükə törədə bilməz" ifadələrini işlədən Merz, sözlərini belə davam etdirib: "Trampın sayəsində bir sülh razılaşması imzalanıb və sülh planının ikinci mərhələsini həyata keçirməliyik. Davamlı sülh mümkündür. Fələstin dövləti və iki dövlətli həll yalnız danışıqlar yolu ilə həyata keçirilə bilər."

Qəzzada HƏMAS-ın tamamilə tərksilah edilməsinin vacibliyini müdafiə edən Merz deyib: "Məncə, Fələstin Rəhbərliyi islahatlara hazırdır, lakin indiyə qədər heç bir addım atılmayıb. Mahmud Abbasla görüşdüm. Almaniya Fələstin Dövlətini tanımır, çünki sonda nə olacağını heç kim bilmir, ilkin şərtlər hələ yaranmayıb. İsrailin təhlükəsizliyini təmin etməyin bir yolu olduğundan əmin olmaq vacibdir."

24 saat