Türkiyənin tanınmış futbol klublarından Beşiktaşın uzun müddətdir heyətinə qatmaq üçün gərgin səylər göstərdiyi transfer yekunlaşır.
Milli ulduzun keçidi ilə bağlı danışıqlar aparmaq üçün Lissabona səfər edən klub prezidenti Sərdal Adalı, Benfica klubunun rəhbəri Manuel Rui Kosta ilə bir araya gəlib.
ANLAŞMA ƏLDƏ EDİLDİ
Məşhur transfer mütəxəssisi Fabrizio Romanonun məlumatına görə, Orkun Kökçü İstanbul təmsilçisinə keçidə çox yaxındır.
Qeyd edilir ki, klublar və futbolçu arasında şifahi razılaşma gözlənildiyi kimi tamamlanıb və indi yalnız rəsmi imza mərasimi qalıb.
Bu keçid üçün 5 milyon avro icarə haqqı və 25 milyon avro məcburi satınalma opsiyası nəzərdə tutulur.
Ümumilikdə 30 milyon avroya başa gələcək müqavilənin 25 milyon avroluq hissəsi 5 taksitlə ödəniləcək.
Portuqaliya mətbuatının "A Bola" nəşri isə, heç bir maneə yaranmayacağı təqdirdə yarımmüdafiəçinin sabah İstanbulda olacağını iddia edir.
Ulduz futbolçunun İstanbul klubundan illik 6 milyon avro xalis əmək haqqı alacağı bildirilib.