Osimhenlə bağlı məşhur menecerdən gözlənilməz açıqlama

Osimhen transferində maraqlı məqamlar

Məşhur menecer Corc Qardi "Qalatasaray" ilə bağlı açıqlamalar verib. Osimhen transferinin detallarından danışan Qardi, futbolçunun müqaviləsindəki ayrılma məbləğinin azaldılmasında və icarəyə getməsində böyük rol oynadığını bildirib: "Ayrılma maddəsini 100 milyon avrodan çox olan məbləğdən 75 milyona mən endirdim. Viktoru müqaviləsini bir il uzatmağa razı saldım. Bununla da icarəyə getməsi mümkün oldu. Çox problem var idi. Xatırlayıram, hava limanında idik. UEFA-nın siyahısı ertəsi gün təqdim edilməli idi. "Napoli" tərəfində müqavilə problemləri var idi və Viktor əmin deyildi. Hava limanında iki saat danışdıq."

"Bu iki saat karyeramın ən uzun iki saatı idi. Amma onu razı salmağı bacardım və mənimlə birlikdə gəldi. İstanbulda minlərlə azarkeş onu gözləyirdi. Klubuna olan hörməti çox böyük idi, bu əsas amil idi. Bir il sonra, maddə 75 milyon olduqda bazar tamamilə dəyişmişdi. Digər forvardlara ödənilən pullar çox daha çox idi."

Viktor Osimhen uzun illər komandada qalacaq

"Viktoru sadəcə bir qolçu deyil, klubun böyük hədəflərinə çatdıracaq əsl lider olaraq görürəm. Bu transfer qısamüddətli bir addım deyil. Qarşıdakı bir neçə il ərzində bu komandanın kapitanı və lokomotivi olacaq, yeni ulduzların da bura gəlməsini təmin edəcək. İstanbulda çox xoşbəxtdir, milyonlarla azarkeş onu bağrına basıb, Çempionlar Liqasında möhtəşəm oynayır və meydanda liderlik edir. Viktor burada uzun illər qalacaq və "Qalatasaray"-ı zirvəyə daşıyacaq."

Mauro İkardi PSJ-də qalmaq istəyirdi

İkardinin transfer prosesindən də danışan məşhur menecer, "Transfer dövrünün son günlərini xatırlayıram. İkardinin evində idim və Dünya Kuboku yaxınlaşarkən qısa bir mövsüm olması səbəbindən PSJ-də qalmaq istəyirdi. Transfer olmaq istəmirdi. Evində 6-7 saat ərzində qaldım və ona, onu razı salmadan çıxmayacağımı söylədim. Nəhayət, razı salmağı bacardıq və birlikdə İstanbula uçduq. Bu transferi uzaqgörən bir addım olaraq təyin edərdim" deyə əlavə edib.

24 saat