Qalatasaray Yasin Kolun dəvətini rədd etdi

"Qalatasaray" rəhbərliyindən sərt reaksiya: "Bu düşmənçiliyin təzahürüdür"

"Qalatasaray Sportif A.Ş."-nin başçı vəkili Abdullah Kavukcu derbi matçın hakimi Yasin Kolla bağlı sərt açıqlamalar verib. Klub rəsmisi, hakimin təyin edilməsinin "Qalatasaray"-a qarşı düşmənçiliyin təzahürü olduğunu bildirib.

Hakim təyinatına etiraz: "Bizi doğrayan hakimi mükafatlandırdılar"

Abdullah Kavukcu, Yasin Kolun ədalətsiz qərarlar verdiyini iddia edərək, "Bizi incə-incə deyil, açıq şəkildə doğrayan Yasin Kola sanki mükafat kimi matç verdilər. Bu, "Qalatasaray"-a qarşı göstərilən düşmənçiliyin təsdiqidir" deyə qeyd edib.

TFF-yə etimadsızlıq: "Gerçək üzlərini göstərdilər"

Klub rəsmisi, Türkiyə Futbol Federasiyasının (TFF) son addımlarına da sərt reaksiya verərək, "Mən bundan 2 həftə əvvəl TFF sədrinə güvənirik dedim. Ancaq xüsusilə son 2 həftədə etdikləri ilə sağ olsunlar, hamımıza gerçək üzlərini göstərdilər" ifadələrini işlədib.

Kavukcu, ədalət tərəzisində qərəzlilik olduğunu bildirərək, "Futbolda ədalət tərəzisini tutanlara güvənəlim demişdik, amma gördük ki, onlar bu etimadı doğrultmurlar" deyə əlavə edib.

"Səbrimiz və etimadımız bitdi": Klubdan sərt bəyanat

Abdullah Kavukcu, bu hadisələrin bir dönüş nöqtəsi olduğunu vurğulayaraq, "Bu gün bir miladdır. Artıq səbrimiz də, etimadımız da bitmişdir. Kimsə artıq susmağımızı, geri durmağımızı bizdən gözləməsin" deyə bildirib.

"Qalatasaray"-ın haqqını qorumaq üçün hər cür mübarizə aparacaqlarını söyləyən Kavukcu, "Qalatasaray meydanda qazanmağı davam etdirəcək; biz isə "Qalatasaray"-ın haqqını qəsb edənlərlə mübarizədə bir addım belə geri atmayacağıq" deyə vurğulayıb.

"Qalatasaray unutmaz!": TFF-nin dəvətinə imtina

Klub rəsmisi, "Şunu herkes bilsin ki, "Qalatasaray" unutmaz!" deyərək, ədalət pozuntularına qarşı səssiz qalmayacaqlarını bildirib.

Kavukcu, "Futbolda ədalətin tərəzisinin ayarını pozanlar, sabah pozduqları o tərəzidə özlərinin də çəkiləcəyini unutmasınlar. Bütün bu səbəblərlə TFF-nin sabahkı dəvətinə qatılmayacağımızı buradan ictimaiyyətlə bölüşmək istəyirəm" deyə əlavə edib.

Tərəftarlara çağırış: "Sadece kendimize güveneceğiz"

Abdullah Kavukcu, "Qalatasaray" tərəftarlarına səslənərək, "Biz "Qalatasaray"-ıq. Doğru olanın kimsədən qorxusu olmaz. Hər zaman olduğu kimi sadəcə özümüzə güvənəcəyik. Hər şeyə rəğmən, hər kəsə rəğmən yolumuza davam edəcəyik" deyə bildirib.

Kavukcu, "Birlikdə hədəflərimizə irəliləyəcəyik. Onlar da may ayında "Qalatasaray"-ın gücünü yenə qəbul etmək məcburiyyətində qalacaqlar. Maylar bizim olacaq, heç bir "Qalatasaray"lı inancını itirməsin" deyə sözlərini tamamlayıb.

24 saat