Qohumla evliliyə həbs cəzası

Bir çox ölkə, artan qaçqın əhalisi ilə birlikdə yüksəliş trendini dayandırmaq məqsədilə qohum evliliklərinin qarşısını almaq üçün cəzaları sərtləşdirməyi davam etdirir. Bu addımlar, əsasən, bu tip birliklərin ictimai və sağlamlıq problemlərinə səbəb olması ilə əlaqədardır. Amerika Birləşmiş Ştatlarının müxtəlif ştatları və bir sıra Avropa ölkələrindən sonra Norveç də bu problemi həll etmək üçün addım atıb. Ölkə 2025-ci il oktyabrın 1-dən etibarən ölkə daxilində Norveçdə nikah qadağası tətbiq edərək, qohum evliliklərinə tamamilə son qoymaq qərarı verib. Bu qərarla tərəflərin qohumları ilə qanuni nikah bağlaması hüquqi cəhətdən qeyri-mümkün hala gəlir. Lakin aparılan araşdırmalar göstərir ki, xüsusilə ölkəyə yerləşən miqrantlar və qaçqınlar arasında, qanuni qadağalara baxmayaraq, "dini nikah" adlandırılan birliklərin davam etdiyi aşkarlanıb. Belə birliklər adətən ölkə qanunları çərçivəsindən kənarda, müəyyən icmaların daxili qaydaları ilə həyata keçirilir.

Həbs Cəzası Tətbiqi Gündəmdədir

Mütəxəssislər, körpə və uşaqlarda rast gəlinən sağlamlıq problemlərinin əhəmiyyətli hissəsinin məhz qohum evliliklərindən qaynaqlandığını xüsusi vurğulayırlar. Bu ciddi ictimai və səhiyyə probleminin qarşısını almaq üçün mövcud qanunlar daha sərt şəkildə tətbiq olunacaqdır. Bundan əlavə, qadağalara baxmayaraq qohum birliklərinə davam edən cütlüklər üçün ciddi həbs cəzaları tətbiq edilməsi nəzərdə tutulur. Norveç Parlamentinə təqdim edilən yeni qanun layihəsinə əsasən, dini nikah yolu ilə evlilik həyatını davam etdirən cütlüklər aşkar edildikdə, hər iki tərəfə 3 ilədək azadlıqdan məhrumetmə cəzası verilə biləcək. Bu təşəbbüs, qanuni qadağalardan yayınmaq cəhdlərinin qarşısını almaq məqsədi daşıyır və yeni hüquqi presedent yaradır.

24 saat