Qonşu ərazidə yanğın yaşayış məntəqələrini təhdid edir

Patrada Xəstəxana və Qocalar Evi Təxliyə Edilib

Yayılan məlumatlara görə, alovların yaxınlaşması səbəbindən Patra şəhərindəki Karamandanio Uşaq Xəstəxanası və Konstantopoulio Qocalar Evi təxliyə edilib. Yanğının xəstəxana binasının ətrafına qədər çatdığı və sıx tüstünün dəhlizlər ilə xəstə otaqlarına qədər yayıldığı bildirilir. Patra şəhərinin müxtəlif məhəllələrində alovlar bəzi yaşayış massivlərinə yaxınlaşarkən, bəzi ərazilərdə park edilmiş avtomobillər də yanmağa başlayıb. Bundan əlavə, kənd təsərrüfatı sahələri, zeytunluqlar və şam meşələrinin böyük ölçüdə zərər gördüyü qeyd olunub.

Yanğınlarla Mübarizə Dəvam Edir

Yanğınlarla mübarizəyə çox sayda quru heyətinin yanı sıra 13 təyyarə və 10 helikopter cəlb edilib. Lakin küləyin tez-tez istiqamət dəyişməsi əməliyyatlara ciddi maneçilik törədir. Riskin davam etdiyi və bölgədə gecə boyu yanğınla mübarizənin sürəcəyi vurğulanıb.

Fövqəladə Vəziyyət Elanı və Ümumi Mənzərə

Digər tərəfdən, Yunanıstan Mülki Müdafiə Nazirliyi, 12 avqustda başlayan meşə yanğınlarından sonra Preveze vilayətinin Ziros Bələdiyyəsi və Zakintos adasında üç ay müddətinə fövqəladə vəziyyət elan edib. Qərarın, yanğınlardan irəli gələn təcili ehtiyacları qarşılamaq və yaranan zərəri idarə etmək məqsədilə alındığı, fövqəladə vəziyyət rejiminin 12 noyabr 2025-ci ilədək qüvvədə olacağı bildirilib.

Yunanıstan Yanğın Söndürmə Xidmətinin sözçüsü Vasilios Vatrakoyannis, qatıldığı televiziya proqramında ölkə üzrə 109 yanğının davam etdiyini və son 24 saat ərzində 48 yeni meşə yanğınının qeydə alındığını açıqlayıb. Sözçü, yanğın söndürmə əməliyyatlarına ordu, polis, sahil mühafizəsi və könüllü qrupların da dəstək verdiyini qeyd edib.

24 saat