Rumıniyada böyük qalmaqal: Müdafiə nazirinin CV-si saxta çıxdı

Rumıniya Müdafiə Naziri İonut Mosteanu Vəzifəsindən Çəkildi

Rumıniyanın Müdafiə naziri İonut Mosteanu, tərcümeyi-halında universitet məzuniyyəti ilə bağlı yalnış məlumatlar verdiyini etiraf etdikdən sonra vəzifəsindən çəkildi. Nazirin istefası, ölkənin son dövrlərdə Rusiya mənşəli təhlükəsizlik təhdidləri ilə mübarizə apardığı bir vaxta təsadüf etdi.

Məlumat Yanlışlığı Səbəbindən İstefa

Böhranın başlanğıcını Rumıniyanın aparıcı qəzetlərindən olan “Libertatea” qoydu. Qəzetin bu həftə dərc etdiyi araşdırmada, Mosteanu-nun tərcümeyi-halında göstərilən məzuniyyət tarixi və universitet məlumatının həqiqəti əks etdirmədiyi üzə çıxdı. Bunun ardınca Mosteanu, müzakirələrin genişlənməsini gözləmədən Facebook vasitəsilə bəyanat yayaraq geri addım atdığını elan etdi.

Mosteanu paylaşımında, “Rumıniya və Avropa Rusiya hücumu altındadır. Milli təhlükəsizliyimiz nəyin bahasına olursa olsun qorunmalıdır. İllər əvvəl etdiyim səhvlərin və təhsilimlə bağlı müzakirələrin diqqəti ölkəni idarə edənlərin çətin vəzifəsindən yayındırmasını istəmirəm”, – sözləri ilə qərarını əsaslandırdı.

Nazirlik Müvəqqəti İdarə Olunacaq

Beş aylıq vəzifə müddəti sona çatan Mosteanu üçün Baş nazir İlİe Bolojan təşəkkür mesajı yayımladı. Bolojan, Rumıniya müdafiə nazirliyinin müvəqqəti olaraq İqtisadiyyat naziri Radu Miruta tərəfindən idarə ediləcəyini bildirdi.

24 saat