Rusiya Snapchatı qadağan etdi

Snapchat-ə giriş məhdudlaşdırıldı

Rusiya Federal Məlumat Texnologiyaları və Kütləvi Kommunikasiya Nəzarət Xidməti, qısaca Roskomnadzor, oktyabr ayından etibarən Snapchat tətbiqində müşahidə edilən giriş problemləri ilə bağlı rəsmi bəyanat yayıb. Qurumun açıqlamasına görə, Snapchat Rusiyada terrorizm fəaliyyətlərinin təşkili və həyata keçirilməsi, cinayətkarların cəlb edilməsi, eləcə də vətəndaşlara qarşı dələduzluq və digər cinayətlərin törədilməsi üçün aktiv şəkildə istifadə olunur. Bu ciddi əsaslara söykənərək, sözügedən tətbiqin ölkə ərazisində istifadəsinə qadağa qoyulub.

Rusiya digər sosial media platformalarını da bloklayıb

Eyni əsaslarla, qurum bu gün FaceTime tətbiqinə də giriş qadağası tətbiq etdiyini açıqlayıb. Qeyd etmək lazımdır ki, Rusiyada əvvəllər də Facebook, X (əvvəlki Twitter), TikTok, YouTube və Instagram kimi məşhur tətbiqlər oxşar səbəblərdən məhdudlaşdırılmış və ya tamamilə bloklanmışdı. Bu addımlar ölkədə internet məkanına nəzarətin güclənməsinin bir göstəricisi kimi qiymətləndirilir və sosial media platformaları üzərindəki dövlət tənzimləməsinin davamı kimi şərh olunur.

24 saat