"Seks və şəhər"in ulduzu Kim Ketroll 69 yaşında evləndi

Kim Ketroll və Rassel Tomas nikah bağladı

"Seks və şəhər" serialında məşhurlaşan aktrisa Kim Ketroll 55 yaşlı sevgilisi, səs rejissoru Rassel Tomas ilə nikah bağlayıb. Mərasim dekabrın 4-də Londonda, Çelsi Qədim Bələdiyyə binasında baş tutub.

Mərasim detalları

Mərasim olduqca sadə keçib. Yalnız 12 qonaq – cütlüyün ən yaxın dostları və ailə üzvləri iştirak edib. 69 yaşlı gəlin mərasim üçün uzun illərdir əməkdaşlıq etdiyi dizayner Patrisiya Fildin köməyi ilə Dior moda evindən zərif bir kostyum seçib.

Tanışlıq tarixçəsi

Kim Ketroll və Rassel Tomas 2016-cı ildə BBC-də tanış olublar. Aktrisa "Woman’s Hour" verilişinin qonağı olarkən tanış olan cütlüyün münasibətləri sosial şəbəkələrdə başlayan mesajlaşmadan sonra möhkəm dostluğa, daha sonra isə romantik əlaqəyə çevrilib. Kimin peşəsinin ictimai xarakter daşımasına baxmayaraq, cütlük uzun müddət münasibətlərini gizli saxlayıb.

Kim Ketrollun etirafları

Keçmiş illərdə verdiyi müsahibələrdə Ketroll həyat yoldaşı haqqında xoş sözlər deyərək, onun yumor hissini, üsyankarlığını və xarici görünüşünü xüsusilə vurğulayıb. "Onun yanında özümü çox rahat hiss edirəm" – deyə Kim bildirib.

24 saat