Selçuk İnan həftə boyu hazırlaşsalar da, istədikləri nəticəni əldə edə bilmədiklərini deyib

Xal və ya xallar alacaqlarına inandıqlarını dilə gətirən Səlcuq İnan, "Bura çətin bir səfərdir. Burada bu qədər tez geriyə düşsəniz, planladığınız oyunu meydana yerləşdirməniz çətin olur. Bunu yaşadıq, amma oyunu tarazlaşdırmağı bacardıq. Amma Fənərbaxça önəmli oyunçularının xaricində fiziki olaraq da güclü bir komandadır. Demək olar ki, bütün hava toplarını qazandılar. Bütün həftə buna çalışmamıza baxmayaraq, təəssüf ki, 2 qolu başla vurduq. Bu vəziyyət oyun planımızı pozdu" ifadələrini işlədib.

Yeni bir komanda olduqlarını və oyunçuların birlikdə oynamağa çalışdığını dilə gətirən İnan, "3 oyunçu dünən axşam gəldi, məşqə belə çıxmadan bu gün oynatdıq. Stoper əskikliyimiz var. Fənərbaxça'ya qarşı oyun üstünlüyü qurmaq asan olmayacaqdı. Yenə də xal ala bilərdik, amma olmadı, bizim üçün bu matç burada bitdi" açıqlamasını verib.

Oyuna sonradan girən Karolun 5 aydır məşq etmədiyini bildirən Səlcuq İnan, oyunçunun özünə hazır olmadığını söylədiyini dilə gətirib.

Bu kimi vəziyyətlərdə oyunçunu dinləmək lazım olduğunu vurğulayan İnan, "Əlbəttə ki, oynadığı futboldan sonra 'Kaş ki, hazır olaydı da onunla başlasaydım' dedim. Belə bir matçda meydanda oldu, bizə bacarıqlarını göstərdi. Onun adından xoşbəxtəm" deyib.

Hakimlərlə əlaqədar danışmaq istəmədiyini bildirərək sözlərini davam etdirən Səlcuq İnan, bunları qeyd edib:

"Kocaelispor çox güclü bir camiadır. Hakim bazasında bu vəziyyət ayrıcalıq yaratmır, amma çox insanı üzürlər. Keçən il 1-ci Liqada çempion olmuş bir komanda. Bir çox oyunçu itirdik. Çətin də bir fiksturumuz var. Amma bunlar bəhanə deyil. Oyunçularım yaxşı mübarizə göstərir. Kayserispor matçı, nə olursa olsun qazanmamız gərəkən bir matçdır. Doğru oyunla qazanacağımızı düşünürəm."

Duran topları problem olaraq gördüyünü də vurğulayan İnan, "Duruş mövqeyimizi dəyişdiririk, çox çalışırıq, amma oyunçularımız da bu səbəbdən çox üzgün. Fənərbaxça fiziki olaraq güclüdür. Oynadığımız 3 komandada da forvard və müdafiə oyunçuları hava toplarında təsirli idi. Üstünlük qurmaq asan deyil. Çalışacağıq və bu problemi düzəldəcəyik" deyərək sözlərini tamamlayıb.

24 saat