Zəhərli canlılarla dolan məşhur çimərlik bağlandı

Mavi Əjdahaların Gözqamaşdıran Təhlükəsi

'Glaucus atlanticus' elmi adı ilə tanınan mavi əjdahalar, parlaq mavi və gümüşü rəngləri ilə dənizlərdə diqqət çəksə də, onlara toxunmaq belə ciddi sağlamlıq problemlərinə səbəb ola bilər. Bu canlılar zəhərli Portuqaliya man-o-varı kimi növlərlə qidalanır və onların toksinlərini öz bədənlərində toplayır. Nəticədə, onlarla bir dəfə təmas şiddətli ağrıya, dəri qıcıqlanmasına, qusmaya, qızdırmaya və ağır allergik reaksiyalara yol aça bilər.

Kanarya Adalarında Görünən Təhlükəli Dəniz Canlıları

Adətən dəniz dibində yaşayan bu kiçik yırtıcılar, udduqları hava qabarcığı sayəsində okean səthində rahatlıqla üzə bilirlər. Boyları cəmi 3 santimetr ətrafında olsa da, yaratdıqları təhlükə ölçülərindən qat-qat böyükdür. Son həftələrdə külək və dəniz axınları bu təhlükəli dəniz canlısını Kanarya Adalarının müxtəlif sahillərinə sürükləyib. Tenerife adasındakı El Medano və Leocadio Machado çimərliklərində onların aşkar edilməsi yerli səlahiyyətli orqanları əhaliyə xəbərdarlıqlar etməyə vadar edib.

Təmas Halında Nə Edilməlidir?

Bu kiçik, lakin son dərəcə təhlükəli dəniz canlısı ilə rastlaşdığınız halda, mütəxəssislər aşağıdakı addımları tətbiq etməyi tövsiyə edirlər:

• Zədələnmiş nahiyəni dəniz suyu ilə yuyun (şirin su ilə deyil).
• Tentakul hissələrini çubuq və ya əlcək vasitəsilə ehtiyatla təmizləyin.
• Şişkinliyi azaltmaq üçün soyuq kompres edin.
• Nəfəs darlığı, başgicəllənmə və ya ağır allergik reaksiyalar zamanı dərhal tibbi yardım almaq üçün müraciət edin.

24 saat