Amerika Birləşmiş Ştatlarının ev sahibliyi etdiyi FIFA Kulüblər Dünya Kubokunda daha bir dörddəbir finalçı müəyyənləşib. Yeddi qolun qeydə alındığı həyəcanlı oyunda
Mançester Siti ilə
Al Hilal üz-üzə gəlib.
Pep Qvardiolanın rəhbərlik etdiyi Mançester Siti, matçın 9-cu dəqiqəsində İlkay Gündoğanın assisti ilə Bernardo Silvanın vurduğu qolla önə keçdi. İlk hissə "şəhərlilər"in üstünlüyü ilə başa çatsa da, ikinci yarının əvvəlində Al Hilal Marcos Leonardonun dəqiq zərbəsi ilə hesabı bərabərləşdirdi.
Gərgin Mübarizə və Bərabərlik Qolları
Qarşılaşmanın 52-ci dəqiqəsində Malkom Al Hilalın ikinci qolunu vuraraq komandasını irəli çıxartdı. Lakin cəmi üç dəqiqə sonra Mançester Sitinin ulduz hücumçusu Erlinq Haaland rəqib qapısına yol taparaq hesabda yenidən bərabərlik yaratdı.
Əsas vaxtın qalan dəqiqələrində hesab dəyişmədi və 90 dəqiqə 2-2 bərabərliklə başa çatdı. Oyun əlavə vaxta keçdikdə, 94-cü dəqiqədə Al Hilal Kalidou Koulibalinin qolu ilə bir daha önə keçdi. Lakin əlavə vaxtın ilk hissəsinin son anlarında Mançester Siti Fil Fodenin qolu ilə hesabı yenidən bərabərləşdirməyə nail oldu.
Asiya Təmsilçisindən Tarixi Zəfər
Gərgin mübarizənin ikinci əlavə hissəsində, 112-ci dəqiqədə Marcos Leonardo Al Hilal üçün həlledici qolu vurdu. 120 dəqiqəlik oyunun sonunda meydandan 4-3 hesablı qələbə ilə ayrılan Simone İnzaginin rəhbərlik etdiyi komanda adını dörddəbir finala yazdırarkən,
Mançester Siti turnirlə vidalaşdı.
Al Hilalın
Mançester Siti qapısına dörd qol vurması futbol tarixində bir ilkə imza atdı. Səudiyyə Ərəbistanı təmsilçisi Qitələrarası turnirlərdə Avropa klublarına qarşı dörd qol vuran ilk Asiya komandası olaraq qeydə alındı. Bu, komandanın uğurlu
mübarizəsinin nəticəsi idi.
24 saat
