SON DƏQİQƏ ERİN QASIRĞASI 110 KM SÜRƏTLƏ YAXINLAŞIR DALĞALAR 7 METRƏYƏ YÜKSƏLƏCƏK

Milli Qasırğa Mərkəzi (NHC) tərəfindən verilən məlumata görə, tropik fırtınadan qasırğaya çevrilən Erin qasırğası getdikcə güclənir. Onun saatda 110 kilometr sürətlə Şimali Karolina sahil zolağında axşam saatlarında təsirini göstərəcəyi bildirilib. NHC-nin açıqlamasında qeyd edilib ki, hazırda 2-ci kateqoriya şiddətində olan Erin qasırğasının təsir sahəsi "qeyri-adi dərəcədə" genişdir. Bu vəziyyət ABŞ-ın şərq sahillərinin böyük hissəsindəki çimərliklərdə "təhlükəli şərait yaratma qabiliyyətini" artırır. Məlumata görə, 2025-ci ilin ilk qasırğası olan Erin qasırğasının quruda təsir göstərmədən əvvəl də irəliləməyə davam edəcəyi, lakin ABŞ və Kanadanın şərq sahillərində təhlükəli dalğa və axınlar yaradacağı gözlənilir. ABŞ mətbuatında yer alan xəbərlərə əsasən, dalğa hündürlüyünün 7 metrə çatacağı təxmin edilir. Ölkənin Atlantik okeanı sahillərinə sürətlə irəliləyən qasırğanın axşam saatlarında 3-cü kateqoriya şiddətində əsas quruya çatması gözlənilir. Erin qasırğası, Atlantik mövsümünün ilk qasırğasıdır. Milli Okean və Atmosfer İdarəsindəki (NOAA) meteoroloqlar, qasırğa mövsümünün orta səviyyədən yuxarı keçməsini gözlədiklərini, noyabr ayında sona çatanadək ümumilikdə 18-ə qədər adlandırılmış fırtınanın yaranacağını bildirirlər. Tipik bir mövsümdə isə 14 adlandırılmış fırtına meydana gəlir.

Şimali Karolinada Fövqəladə Vəziyyət Elan Edildi

Erin qasırğasının ABŞ əsas qurusu ilə görüşəcəyi ilk nöqtə olan Şimali Karolina ştatında böyük tədbirlər çərçivəsində fövqəladə vəziyyət elan edilib. Ştat səlahiyyətliləri, bu gün irəliləyən saatlarda dalğa hündürlüyünün 7 metrə çatacağı Outer Banks bölgəsində yaşayanlar üçün təxliyə əmri verib. Səlahiyyətlilər, bu həftə yaxınlaşan qasırğanın təsiri nəticəsində ştatın Atlantik sahillərində yaranan sualtı axınına düşən "onlarla insanı" xilas etmək üçün əməliyyatların həyata keçirildiyini bildirib və insanları dənizdən uzaq durmağa çağırıblar.

200 Milli Qvardiya Əsgəri Həyəcan Vəziyyətində

Digər tərəfdən, Şimali Karolina qubernatoru Coş Steyn, bu səhər keçirdiyi mətbuat konfransında, ştatın sahil bölgəsindəki müxtəlif nöqtələrdə 3 sürətli su xilasetmə qrupunun, 200 Milli Qvardiya əsgərinin, yüksək keçidli nəqliyyat vasitələrinin, xilasetmə təyyarələrinin və nəqliyyat helikopterlərinin vəzifəyə hazır olduqlarını söyləyib. NHC, Erin qasırğasının şənbə günü Atlantik okeanı üzərində güclü bir fırtınaya çevrildiyini elan etmişdi. Erin, 24 saatdan bir qədər çox müddətdə 1-ci kateqoriyadan 5-ci kateqoriyaya yüksəlmiş və bu da onu qeydə alınan ən sürətlə şiddətlənən Atlantik fırtınalarından biri etmişdi. NHC, fırtınanın Baham adaları, ABŞ-ın şərq sahilinin böyük bir hissəsi və Kanadanın Atlantik okeanındakı sahil zolağı boyunca təhlükəli dalğa və axınlar yaradacağı barədə xəbərdarlıq etmişdi.

24 saat