SON DƏQİQƏ: İsrail mətbuatından 50 illik qətiyyətə şok etiraf

Maariv: Türkiyə Regional Gücdən Qlobal Müdafiə Sənayesi Ulduzuna Yüksəldi

İsrailin öndə gedən qəzetlərindən biri olan "Maariv", Türkiyə'nin son illərdə müdafiə sənayesində əldə etdiyi tarixi uğurları təsirli bir təhlillə oxucularına təqdim edib. Təhlildə Türkiyə'nin artıq yalnız regional bir güc deyil, qlobal müdafiə sənayesində yüksələn bir ulduz olduğu və bu çıxışın nəzərdən qaçırılmayacağı vurğulanıb.

Türkiyə İsraili Geridə Buraxdı

Qəzetin yazdığına görə, Türkiyə son illərdə inkişaf etdirdiyi tanklar, pilotsuz uçuş aparatları (PUA), zirehli maşınlar və elektron müharibə sistemləri ilə dünyada özünəməxsus bir yer tutub. Xüsusilə "Baykar" şirkətinin istehsal etdiyi PUA və SİHA-lar, döyüş meydanlarında nümayiş etdirdiyi üstün performans sayəsində Türkiyə'nin “texnologiya diplomatiyası”nın ən güclü kartına çevrilib. "Maariv", 2020–2023-cü illər arasında Türkiyə'nin ABŞ-dan sonra dünyanın ən böyük ikinci silahlı PUA ixracatçısı olduğuna diqqət çəkərək, bu sahədə İsraili ötüb keçdiyini yazıb.

Yerli İstehsalda Böyük Sıçrayış

2024-cü ildə müdafiə sənayesi ixracatının 7.1 milyard dollara çatdığını bildirən qəzet, hökumətin hədəflərinə görə bu rəqəmin 2028-ci ildə 11 milyard dolları aşacağına işarə edib. Bu sürətli yüksəlişin arxasında uzun illərə söykənən strateji baxış və yerli istehsal qətiyyətinin dayandığı ifadə edilib. Bu gün Türkiyə müdafiə sənayesinin tələbatının 80 faizindən çoxunun yerli istehsalatla ödəndiyinə diqqət yetirilərkən, bu uğurda "ASELSAN", "TAI", "Roketsan" və "Baykar" kimi şirkətlərin imzasının olduğu qeyd edilib.

KAAN Layihəsi ilə Yaxın Şərqə İmza

Xüsusilə Türkiyə'nin ilk yerli döyüş təyyarəsi layihəsi olan "KAAN"ın ölkəni beşinci nəsil döyüş təyyarəsi istehsal edən sayılı dövlətlərdən biri edəcəyini bildirən "Maariv", Səudiyyə Ərəbistanının bu təyyarədən 100-ə yaxın almağı nəzərdən keçirdiyini, həmçinin türk şirkətlərini öz müdafiə sənayesini qurmaq üçün əməkdaşlığa dəvət etdiyini qeyd edib. Bu əməkdaşlıqların milyardlarla dollarlıq müqavilələrə çevrilməsinin gözlənildiyi də ifadə olunub.

Yarım Əsrlik Qətiyyət və Qlobal Əməkdaşlıqlar

Türkiyə'nin bu nöqtəyə gəlişinin hekayəsinin də diqqətəlayiq olduğunu qeyd edən təhlildə, 1970-ci illərdəki Amerikan silah embarqosundan çıxarılan dərslərin Ankaraya yerli istehsalata istiqamətləndirdiyi bildirilib. Yarım əsrlik qətiyyət nəticəsində bu gün türk şirkətləri yalnız Yaxın Şərqdə deyil, Avropada da üstünlük verilən təchizatçılar arasındadır. "Baykar" ilə İtalyan nəhəngi "Leonardo"nun PUA istehsalında əməkdaşlıq etməsi, türk tərsanələrinin Portuqaliya donanmasına gəmi tikməsi, İspaniyaya təlim təyyarələrinin ixrac edilməsi bu mənzərənin nümunələrindən yalnız bir neçəsi olduğu qeyd edilib.

Müdafiə Sənayesində Böyüyən Aktor

Təhlildə Türkiyə'nin həmçinin keçən il Avropada bir ilkə imza ataraq, İtalyan "Piaggio" aviasiya şirkətini aldığını bildirərək, bu addımın türk müdafiə sənayesinin artıq yalnız məhsul ixrac edən deyil, eyni zamanda Avropada investisiya qoyaraq böyüyən bir aktor halına gəldiyinin göstəricisi olduğu ifadə edilib.

Qərbə Nəzərən Daha Cəlbedici Alternativ

"Maariv", Türkiyə müdafiə məhsullarının Qərb rəqibləri ilə eyni keyfiyyət standartlarına malik olduğunu, lakin daha sərfəli qiymət, sürətli təchizat və çevik müqavilə şərtləri ilə qlobal bazarda cəlbedici bir alternativ təklif etdiyini qeyd edib. Xüsusilə Azərbaycan, Ukrayna, Pakistan, Körfəz ölkələri və Orta Asiya dövlətləri kimi inkişaf etməkdə olan ölkələrin türk məhsullarına böyük maraq göstərməsinin, Ankaranın nüfuzunu daha da artırdığı vurğulanıb.

Türkiyə Artıq Oyunqurucudur

Xəbərdə vurğulanan başqa bir məqam isə, Türkiyə müdafiə sənayesinin artıq yalnız iqtisadi amil deyil, eyni zamanda güclü bir diplomatik vasitə olmasıdır. Körfəz ölkələri ilə yenidən qurulan sıx əlaqələrdə PUA və zirehli maşın anlaşmalarının böyük rolu var. Türkiyə artıq həm sahədə, həm də masada oyunqurucu bir ölkə mövqeyinə yüksəlib.

Müdafiə Sənayesində Tarixi Sıçrayış

Son olaraq təhlildə Türkiyə'nin, öz təhlükəsizliyi üçün inkişaf etdirdiyi texnologiyalarla artıq dünya təhlükəsizlik memarlığında həlledici aktorlardan biri olduğu ifadə edilərkən, nə ixracat rəqəmlərinin, nə texnoloji investisiyaların, nə də diplomatik qazancların nəzərdən qaçırılmasının mümkün olmadığı qeyd edilərək, Türkiyə'nin, müdafiə sənayesində tarixi bir sıçrayış edərək yeni bir dövrün qapılarını açdığına diqqət çəkilib.

24 saat