SON DƏQİQƏ: TUPAK QƏTLİNDƏN İLLƏR SONRA ETİRAF – "BU YÜKÜ DAŞIMAQ AĞIR İDİ"

Rap dünyasının əfsanəsi Tupac Shakur'un ölümü ilə bağlı illər sonra şokedici bir iddia ortaya atıldı. Məşhur prodüser Suge Knight bildirib ki, reperin ölümündən sonra yaxın çevrəsi onun küllərini siqaretə bükərək istehlak edib. Bu açıqlama illərdir davam edən sirli hadisəyə yeni bir pərdə açdı.

Küllərin "Simvolik" Mərasimi

Knight "People" jurnalına verdiyi müsahibədə qeyd edib ki, Tupac Shakur'un anası Afeni Shakurun istəyi ilə o, dərhal kremasiya edilib. Daha sonra dostları onun külləri ilə "simvolik" bir anım mərasimi keçiriblər. Suge Knight-ın sözlərinə görə, bu, onların sevimli reperi öz içlərində daşımaq istəyinin ifadəsi idi. Lakin Knight özünün bu mərasimdə iştirak edə bilmədiyini də əlavə edib: "Mən nəzarətli sərbəstlikdə idim, heç bir riskə gedə bilməzdim. Anasına da bildirdim ki, çox istərdim, amma başım dərdə girərdi." Bu açıqlama hadisənin gizli qalmış tərəflərini bir daha gündəmə gətirir.

Əfsanəvi Reperin Ölümü Hələ də Sirrdir

Suge Knight həmçinin Tupac Shakur'un vurulduğu gecəyə dair bəzi detalları da paylaşıb. O bildirib ki, güllələrdən biri onun başını sıyıraraq keçib, özü isə qanlar içində dərhal Tupac-ı avtomobildən çıxarmağa çalışıb. Sinəsindən iki güllə yarası alan reper xəstəxanaya çatdırılsa da, 25 yaşında dünyasını dəyişib. Uzun illər keçməsinə baxmayaraq, bu əfsanəvi adın ölümündəki sirr pərdəsi hələ də aradan qaldırılmayıb. İndi isə külləri ilə bağlı bu qeyri-adi anım şəkli onun milyonlarla pərəstişkarını bir daha təəccübləndirib.

24 saat