Tavşanlara boynuz bitdi: Görüntülər şok etdi

Kolorado Parklar və Vəhşi Təbiət Departamenti (CPW) rəsmiləri bildirir ki, tavşanlarda müşahidə edilən bir infeksiya dəridə, xüsusən baş nahiyəsində qara düyünlər şəklində özünü göstərir. Bəzən bu düyünlər uzanaraq buynuz formalı çıxıntılara çevrilə bilir. Fort Kollins sakini Susan Mensfild gördüyü bir tavşanı bu sözlərlə təsvir edib: "Ağzının ətrafından sanki qara diş çöpü ya da tikanlar çıxırdı. Qışda öləcəyini düşünürdüm, lakin ölmədi. Növbəti il yenidən peyda oldu və çıxıntılar daha da böyüdü."

Ölümcül Xəstəliyin Gedişatı və Tavşanların Sağlamlığı

CPW-nin məlumatına görə, yabanı tavşanların əksəriyyəti bu virusa yoluxduqdan sonra sağalır və sağaldıqdan sonra dəridəki çıxıntılar yox olur. Lakin, əgər infeksiya heyvanın qida və ya su qəbuluna mane olursa, bu ölümcül nəticələnə bilər. Buna görə, heyvanların həyati funksiyaları pozulmadıqca onların yuxuya verilməsi tövsiyə edilmir.

Digər Növlər üçün Təhlükə Yoxdur: Ev Tavşanlarına Xüsusi Diqqət

Bildirilir ki, virus yalnız tavşanlara yoluxur və digər heyvan növlərinə keçmir. Lakin, ev tavşanları, xüsusilə açıq havada qidalandıqda və ya yabanı tavşanlarla, yaxud onları dişləyən həşəratlarla təmasda olduqda bu xəstəliyə tutula bilərlər. CPW vurğulayır ki, ev tavşanlarında bu xəstəlik daha ağır şəkildə seyr edir və mütləq baytar müalicəsi tələb edir.

Rəsmilər, yoluxmuş tavşanlara toxunulmaması barədə xəbərdarlıq edir və hazırda bu xəstəliyin bilinen bir müalicəsinin olmadığını bildirirlər.

24 saat