TƏCİLİ XƏBƏR KANYE WEST ŞOKDA AVSTRALIYA ARZULARI SUYA DÜŞDÜ

Avstraliyanın Daxili İşlər naziri Toni Börk önəmli bir açıqlama verərək bildirib ki, məşhur reper Kanye West-in ölkəyə giriş vizası ləğv edilib. Bu qərar musiqiçinin mayın 8-də Nasizmi təbliğ edən "Heil Hitler" mahnısını yayımlamasından sonra qəbul olunub. Qeyd edək ki, bu hadisə ictimaiyyətdə geniş rezonans doğurmuşdu.

"Təcavüzkar Şərhlər" Vizanın Ləğvinə Səbəb Oldu

Nazir Börk öz bəyanatında qeyd edib ki, musiqiçinin həyat yoldaşı Bianka Senzori Avstraliya vətəndaşıdır və onların ailəsi ölkədə olduğu üçün West mütəmadi olaraq bu ölkəyə səfərlər edirdi. O, vəziyyəti izah edərkən bildirib: "Kanye West uzun müddətdir ki, Avstraliyaya gəlir. O, çoxlu sayda təcavüzkar və mübahisəli şərhlər vermişdi. Lakin səlahiyyətlilər, onun "Heil Hitler" mahnısını yayımladıqdan sonra məsələyə yenidən baxdılar və artıq onun bu ölkədə etibarlı vizası yoxdur." Bu qərar, ölkənin milli dəyərlərinə hörmətin təmin edilməsi məqsədi daşıyır.

Mübahisəli Bəyanatlar və Platforma Qadağaları

Adını "Ye" olaraq dəyişdirən 48 yaşlı musiqiçi "Heil Hitler" mahnısını İkinci Dünya Müharibəsində Nazi Almaniyasının məğlubiyyətinin 80-ci ildönümü olan 8 may tarixində yayımlamışdı. Onun bu mahnısı geniş kütlələr tərəfindən şiddətlə qınanmış, nəticədə Spotify, Apple Music və YouTube kimi böyük musiqi platformalarında qadağan edilmişdi. Bu, reper üçün yeni bir hadisə deyildi. Məsələn, 2022-ci ildə idman geyimləri nəhəngi Adidas antisemitizm xarakterli bəyanatları səbəbilə bu musiqiçi ilə uzunmüddətli əməkdaşlığına son qoyacağını elan etmişdi. Şirkət, ötən ilin sonunda o cümlədən bütün hüquqi prosedurları dayandırmaq üçün bir razılığa gəlindiyini rəsmi şəkildə bildirmişdi. Xatırladaq ki, Kanye West daha əvvəl də sosial media hesabından "Hitleri sevirəm" və "Mən bir Naziyəm" kimi şok doğuran paylaşmalarda bulunmuşdu. Bu bəyanatlar onun karyerasında ciddi problemlər yaratmışdı.

24 saat