Titanikin ən zəngin sərnişinin qızıl cib saatı fantastik qiymətə hərraca çıxır

Isidor Straus və həyat yoldaşı İda, Titanikdə həyatını itirən ən varlı sərnişinlər arasında idilər. 1912-ci il aprelin 14-də Sauthemptondan Nyu-Yorka yola çıxan gəmi aysberqə çırpılaraq batmış, nəticədə 1500-dən çox sərnişin və heyət üzvü faciəvi şəkildə həyatını itirmişdi. Bu dəhşətli hadisə dünya tarixinə qara hərflərlə yazıldı.

Unikal Xatirə Hərraca Çıxarılır

Strausun cəsədi dəniz faciəsindən bir neçə gün sonra Atlantik okeanının soyuq sularından tapıldı. Onun üzərində 18 əyarlı qızıl cib saatı – Jules Jurgensen markalı qiymətli bir əşya aşkar edildi. Bildirilir ki, bu tarixi əhəmiyyətə malik saat, noyabrın 22-də İngiltərədə baş tutacaq hərracda 1 milyon funt sterlinq qiymətlə satışa çıxarılacaq. Hərracı təşkil edən qurumun rəhbəri Andrew Aldridge, Britaniya mətbuatına verdiyi açıqlamada bu saatın Isidor Strausun faciəvi hekayəsini yenidən yaşatdığını və bunun "fövqəladə bir yadigarlıq" olduğunu vurğulayıb.

Nəsillərdən Keçən Yadigar və Məktub

Saat aysberqə çırpılmanın və gəminin batmasının dəqiq anını göstərərək, 02:20-də dayanmış vəziyyətdə tapılmışdı. Onun daxili hissəsində Strausun baş hərfləri zərif şəkildə həkk olunmuşdu. Bu saatın həyat yoldaşı İda tərəfindən 1888-ci ildə hədiyyə edildiyi güman edilir. Faciədən sonra saat ailəyə təhvil verilmiş və nəsildən-nəslə ötürülərək diqqətlə qorunub saxlanılmışdır. Strausun nəvəsi Kenneth Hollister Straus tərəfindən mexanizmi təmir edilən bu dəyərli əşya, indi yenidən vaxtı dəqiq göstərir. Hərracda saatla yanaşı, İdanın gəmidə qələmə aldığı bir məktubun da satışa çıxarılacağı qeyd edilib. Qiymətli saat 1 milyon funt sterlinqə alıcı gözlədiyi halda, İdanın emosional məzmunlu məktubunun 150 min funt sterlinqə satılacağı proqnozlaşdırılır.

24 saat