'AZARKEŞLƏRİMİZ SƏBİRLİ OLSUN'
Yeni mövsüm öncəsi Trabzonsporda transfer işləri sürətlənib. Klub prezidenti Ertuğrul Doğan "Gündəliyimizdə iki oyunçu var" açıqlamasından sonra, bordo-mavililərin maraqlandığı adlar aydınlaşmağa başlayıb. Doğan, "Sıx şəkildə çalışırıq. Azarkeşlərimiz bir qədər səbirli olsunlar" deyərək transfer fəaliyyətlərinin davam etdiyini bildirmişdi. Bu açıqlamadan sonra Trabzonsporun maraqlandığı bəzi adlar üzə çıxıb. Baş məşqçi Fatih Tekkenin hesabatı əsasında hücum və müdafiə xəttinə əlavələr etməyi planlaşdıran Trabzonspor, bir çox futbolçu ilə təmaslarını davam etdirir. Kluba yaxın mənbələrdən əldə edilən məlumata görə, Trabzonsporun gündəmində olan adlar aşağıdakılardır:
GÜNDƏLİKDƏ 4 AD VAR
Bonservisi "Lill" klubuna məxsus olan və ötən mövsümü İsveçrənin "Yanq Boys" komandasında icarə əsasında keçirən 22 yaşlı fransız cinah oyunçusu Alan Virqinius, Trabzonsporun transfer siyahısındakı ən güclü namizədlərdən biridir. Gənc futbolçunun çoxşaxəli quruluşu və sürəti texniki heyətin diqqətini cəlb edir.
Yarımmüdafiə üçün argentinalı ulduz Leandro Paredes adı önə çıxır. Bordo-mavili rəhbərliyin ulduz futbolçu ilə əlaqə qurduğu bildirilir. Paredesin daha əvvəl Trabzonsporda çıxış edən həmvətəni Sosadan Trabzon şəhəri və klub barədə məlumat aldığı öyrənilib. Sosanın şəhər və klub haqqında müsbət rəylər verdiyi qeyd olunur.
Fransa mətbuatında yayılan xəbərlərə görə, Trabzonspor "Renn"də çıxış edən müdafiəçi Kristofer Vu ilə də təmasdadır. 22 yaşlı futbolçunun klubu ilə razılıq əldə edildiyi və oyunçu ilə də razılaşma təmin olunarsa, transferin qısa zamanda dəqiqləşəcəyi gözlənilir.
Baş məşqçi Fatih Tekkenin ən çox istədiyi oyunçular arasında yer alan Ceremi Boqa üçün də təşəbbüslər davam edir. Həm cinahda, həm də hücumçunun arxasında oynaya bilən Boqanın, Trabzonsporun oyun sisteminə uyğun bir profilə sahib olduğu bildirilir.
Rəhbərliyin texniki heyətin tələbləri əsasında transfer prosesini diqqətlə apardığı, maliyyə balansını nəzərə alaraq nöqtəli gücləndirmələr etməyi hədəflədiyi öyrənilib.
FIRTINANIN GOLÇİSİ BU AXŞAM GƏLİR
Digər tərəfdən, bordo-mavililərin yenidən razılıq əldə etdiyi, 2023-24 mövsümündə icarə əsasında çıxış edən keçmiş golçüsü Pol Onuaçunun da bu axşam Trabzona gəlməsi gözlənilir.