Trampdan Soros və oğluna: Dəlilər ölkəni dağıtmayacaq

Prezident Tramp Corc Sorosu sərt tənqid edib

ABŞ prezidenti Donald Tramp, özünün Truth Social platformasından yayımladığı açıqlamada nüfuzlu iş adamı Corc Soros və onun oğlunu hədəfə alıb. Prezident Tramp, onlara Birləşmiş Ştatlar ərazisində baş verən zorakı etiraz aksiyalarını dəstəkləməkdə ittiham irəli sürüb.

“Ağılsızların ölkəni parçalamasına imkan verməyəcəyik”

Açıqlamasında Tramp bildirib ki, Corc Soros və onun radikal solçu oğlu Birləşmiş Ştatların müxtəlif yerlərində zorakılıqla müşayiət olunan etirazları təşviq etdikləri üçün RICO qanunu əsasında məhkəməyə verilməlidirlər. Prezident Tramp əlavə edib: “Biz bu ağılsızların Amerikanı daha da parçalamasına icazə verməyəcəyik.” O, bu cür hərəkətlərin ölkənin milli birliyinə və sabitliyinə ciddi təhlükə yaratdığını vurğulayıb.

“Ölkəmizə böyük ziyan vurublar”

Prezident Tramp, Soros və onun övladının Amerikada sərbəst şəkildə fəaliyyət göstərməsinə bundan sonra göz yumulmayacağını qeyd edib. O, həmçinin bu ifadələri işlədib: “Soros və onun psixopat qrupu, ölkəmizə böyük ziyan vurub! Buna onun qərb sahilindəki müəmmalı tərəfdaşları da daxildir. Diqqətli olun, sizi yaxından izləyirik.”

24 saat