Ukraynadan Putinə gözlənilməz zərbə: Rusiyada üsyan təhlükəsi

Ukrayna hücumları Rusiyada narazılıq yarada bilər

Rossiya 1 kanalında çıxış edən Margarita Simonyan Ukrayna hücumlarının, xüsusilə Soçidəki nüfuzlu Sirius məktəbinə qarşı iddia edilən dron zərbələrinin məqsədinin əhalini Moskva hökumətinə qarşı qızışdırmaq olduğunu iddia edib. Simonyan ritorik suallar ünvanlayaraq bildirib: “Ukrayna və digər qüvvələr ölkəmizdə Rusiyada narazılıq yaratmağa çalışır. Niyə tətil mövsümünün ən qızğın vaxtında hava limanlarımızın fəaliyyətini iflic edəcək ssenari yaradırlar? Niyə bu həftə Soçi və Siriusa bu qədər çox dron hücumu təşkil edildi?”

Xatırladaq ki, 28 iyul 2025-ci ildə Moskvanın kənarındakı Şeremetyevo Beynəlxalq Hava Limanında Rusiyanın milli hava yolu şirkəti Aeroflot-a qarşı həyata keçirilən kiberhücum nəticəsində 42 uçuş təxirə salınıb. Hücumun məsuliyyətini Ukraynalı və Belaruslu haker qrupu öz üzərinə götürüb. Bu cür hadisələr ölkədə vətəndaşların narahatlığını artırır.

Yeni taktika: Siyasətdən kənar rusların təşviqi

Simonyan bu hədənin ssenarisini belə izah edib: “Yalnız bir taktika var: baş verənlərə qarşı bitərəf qalan insanların siyasallaşmasını təmin etmək.” Putin rejiminin aparıcı tərəfdarlarından olan Simonyan ölkədə siyasətə məsafəli yanaşan bir çox insanın olduğunu vurğulayaraq deyib: “Mən onları günahlandırmıram, hesab edirəm ki, hər insanın siyasallaşması lazım deyil. Hamımız fərqliyik.” Lakin o, Ukraynanın bu insanları fərqli bir istiqamətdə siyasallaşdırmağa çalışdığını bildirib: “Onlar istəyirlər ki, tətil üçün dəniz kənarına uçmaq ölkəmizin gələcəyindən daha vacib olsun.”

Kremlin narahatlığı və ukraynalı bloqqerlərin şərhləri

Almaniyanın Focus.de portalının xəbərinə görə, həqiqətən də Ukrayna iyulun sonunda şəhərə dron zərbələri endirib, lakin Kiyevin məlumatına görə hədəf Krasnodar bölgəsindəki neft anbarı olub. Moskva isə şəhər mərkəzində partlayışlar baş verdiyini bildirir. Simonyanın təhlilləri internetdə qısa müddətdə istehzalı şərhlərə səbəb olub. Bir ukraynalı bloqqer yazıb: “Simonyan bilmədən təsdiq edir ki, Kremlin əsas qorxusu Putin rejiminin süqutunun açarının Ukraynanın əlində olmasıdır.” Vurğulanıb ki, Rusiyanın əsas qorxusu siyasətə laqeyd və apolitik olan rusların həyatının çətinləşməsi, bununla da Rusiyada narazılıq dalğasının yaranmasıdır.

Ukraynada yeni hücum: 18 nəfər həlak olub

Ukrayna bildirib ki, Rusiya ordusunun Zaporijya bölgəsindəki cəzaçəkmə müəssisəsinə endirdiyi hava zərbəsi nəticəsində 18 nəfər ölüb, 35 nəfər yaralanıb. Fedorov rusların bölgəyə 8 dəfə hücum etdiyini və hücum zamanı cəzaçəkmə müəssisəsinin hədəf alındığını qeyd edib.

24 saat