Ukraynalı deputat Anna Skoroxodun evinə axtarış gəldi

Ukrayna deputatına qarşı korrupsiya ittihamı

Ukrayna Ali Radasının deputatı Anna Skoroxod böyük məbləğdə rüşvət almaqda şübhəli bilinir. "Ukrayinska Pravda" qəzetinin mənbələrinə istinadən yaydığı məlumata görə, hazırda onun iş yerində axtarışlar aparılır.

Ukrayna Təhlükəsizlik Xidməti (UTX), Ukrayna Milli Antikorrupsiya Bürosu (UMAB) və Ölkənin İxtisaslaşdırılmış Antikorrupsiya Prokurorluğu (İAP) Kiyevdə təşkilatlanmış cinayətkar qrupu ifşa edib. Məlumatlara görə, bu qrupa xalq deputatı Anna Skoroxod rəhbərlik edir. İstintaq zamanı onun iş ortağı ilə birlikdə bir sahibkardan 250.000 ABŞ dolları tələb etdiyi müəyyən edilib.

Energetika sektorunda korrupsiya iddiaları

Dekabrın 2-də Ukraynanın Baş Prokuroru Ruslan Kravçenko, ölkənin keçmiş energetika nazirinin müavini və "Energoatom"un prezidentinin vəzifəsini müvəqqəti icra edən şəxsin energetika sektorunda korrupsiya sxemlərində iştirak etməkdə şübhəli bilinərək saxlanıldığını bildirmişdi.

Zelenski administrasiyası ilə əlaqəli şəxsə ittiham

Noyabrın 10-da Ukraynanın antikorrupsiya orqanları energetika sektorunda böyük qanunsuz sxemin aşkarlandığını elan etdi. İstintaqın versiyasına görə, bu sxemi Ukrayna prezidenti Volodimir Zelenskinin yaxın silahdaşı olan biznesmen Timur Mindich təşkil edib. İddialara görə, sxemin iştirakçıları "Energoatom"un podratçılarından müqavilə məbləğinin 10-15% -i həcmində "otkat" tələb ediblər, əks təqdirdə ödənişlərin bloklanması və təchizatçı statusunun itirilməsi ilə hədələyiblər.

24 saat