VAR-da yeni dəyişikliklər olacaq

Beynəlxalq Futbol Federasiyası (FIFA) video köməkçi hakimin (VAR) tətbiq sahəsini genişləndirməyə hazırlaşır. Bu yeniliklə VAR yalnız qol və penalti kimi klassik qərarlarla məhdudlaşmayacaq.

“The Times” qəzetinin məlumatına əsasən, bundan sonra VAR vasitəsilə korner qərarlarına və ikinci sarı kart göstərilməsi hallarına da nəzarət edilə biləcək.

Yeni sistemin Dünya Çempionatında uğurla tətbiq olunması və müsbət nəticələr əldə edilməsi halında, bu sistemin bütün liqalarda və turnirlərdə daimi hala gətirilməsi planlaşdırılır.

Bundan əlavə, turnir xaricində cərimə meydançasında olmayan zədə durumları üçün də yeni bir qayda sınaqdan keçirilir. Əgər futbolçu müalicə olunursa və faul səbəbindən sarı və ya qırmızı kart almayıbsa, meydançanı iki dəqiqə tərk etməsi məcburi olacaq.

Rəsmi təsdiq gələrsə, bu qaydalar 1 iyun 2026-cı il tarixindən etibarən qüvvəyə minəcək.

24 saat