Vimbldon turnirində qadınların yarımfinal görüşləri
İngiltərənin paytaxtı London şəhərində keçirilən Vimbldon tennis turnirinin 11-ci günündə qadınların yarışlarında yarımfinal görüşləri baş tutub. Tek qadınlar kateqoriyasında dünya reytinqinin lideri Arina Sabalenka ilə 12-ci pillədə qərarlaşan Anisimova üz-üzə gəlib.
23 yaşlı ABŞ təmsilçisi Anisimova, rəqibi Belaruslu idmançı Sabalenkanı gərgin mübarizədə 2-1 hesabı ilə (6-4, 4-6, 6-4) məğlub edərək finala vəsiqə qazanıb.
Finalda qarşılaşacaq idmançılar bəlli oldu
Günün digər yarımfinalında dünya dördüncüsü İqa Şvyontek (Swiatek) və dünya reytinqinin 35-ci pilləsində yer alan Belinda Bençiç (Bencic) qarşılaşıb. Polşalı raket ustası Şvyontek isveçrəli rəqibini 2-0 (6-2, 6-0) hesabı ilə üstələyərək finalda Anisimovanın rəqibi olub.
Bu kateqoriyanın çempionu iyulun 12-si, şənbə günü müəyyənləşəcək.