Yaponiya Prensesi Kakonun Xalqın Qəlbini Fəth Edən Təvazökarlığı
30 yaşlı Prenses Kako, Yaponiya imperatoru Naruhitonun bacısı qızıdır. Qadınlara hələ də taxt hüququ verilməyən Yaponiya monarxiyasında, onun qardaşı, şahzadə Hisahito taxta namizəd kimi irəli sürülür. Böyük bacısı Mako'nun 2021-ci ildə taxtdan imtina edərək ABŞ-a köçməsindən sonra Kako ictimai vəzifələrdə daha tez-tez görünməyə başlayıb.
South China Morning Post qəzetinin məlumatına görə, iyun ayında Braziliya hökumətinin dəvəti ilə 11 günlük rəsmi səfərə çıxan Prenses, səkkiz şəhəri ziyarət edib. Yorucu proqramı zamanı həyata keçirdiyi daxili uçuşlardan birində, ekonom sinifdə pəncərəyə söykənərək qısa yuxuya gedib. Eyni gün dörd fərqli yeri ziyarət etdiyi bildirilir; Kakonun yorğunluğu xalqın rəğbətini qazanıb.
Zərifliyi, Təvazökarlığı və Üslubu ilə Ölkəsinin Ümidi
Ölkə mətbuatı tərəfindən "Yaponiyanın ümidi" olaraq adlandırılan Prenses Kako yalnız zərifliyi ilə deyil, xarakteri və xalqla qurduğu səmimi münasibətlərlə də diqqət çəkir. Yetkinlik mərasimindəki çıxışında bu sözləri işlətmişdi:
"Mənə həvalə edilən hər bir vəzifəni təvazökarlıq və hörmətlə yerinə yetirməli olduğuma inanıram."
Səmimiliyi ilə tanınan Prenses, bir müsahibəsində ən böyük zəif cəhətinin tez əsəbiləşmək olduğunu etiraf etmişdi.
Kako 2007-ci ildə regional fiqurlu konkisürmə çempionluğu da qazanıb. Daha sonra İngiltərədəki Leeds Universitetində səhnə sənətləri və psixologiya üzrə təhsil alıb. O, həm də işarə dilini bilir və xeyriyyə təşkilatlarında fəal iştirak edən bir şəxsdir.