Yaponiya seçkiləri: Takaiçinin böyük qələbəsi fond birjasını tarixi maksimuma çatdırdı

Yapon seçicilərinin narahatlıqları - Yaponiya seçkiləri Takaiçinin böyük qələbəsi - Bazar günü keçirilmiş seçki ərəfəsində yapon seçiciləri narahat edən əsas məsələlər gündəmə gəlib. Yaponiyada seçkilər yaxınlaşdıqca cəmiyyəti düşündürən başlıca mövzular arasında artan həyat bahalaşması və milli müdafiə məsələləri xüsusi yer tutur.

Həyat bahalaşması və iqtisadi çətinliklər

Seçici Kanako Himura bildirib: “Əvvəllər ərzağa həftədə təxminən 10 000 yen (64 dollar; 47 funt sterlinq) xərcləyirdim. İndi bu məbləğ həmişə daha çox olur. Qiymətlər artır, məhsulların həcmi isə azalır. Hətta qiymət dəyişməz qalsa belə, daha az məhsul alırsan”.

35 yaşlı manqa rəssamı Kento Naka isə Tokioda daşınmaz əmlak qiymətlərinin həddən artıq yüksək olduğunu vurğulayıb. O əlavə edib ki, qiymətlər artsa da, “gəlirlər buna qətiyyən çata bilmir”.

Milli müdafiə məsələsi

“Əlbəttə, iqtisadiyyat insanlar üçün vacib məsələdir, amma mənim yaşımda, xüsusən də nəvələrimin nəslini düşünəndə, milli müdafiə çox önəmlidir”, – deyə 85 yaşlı seçici Naoaki Yuhara fikrini ifadə edib.

Lakin müdafiə sahəsində sərt mövqe 30 yaşlarında olan seçici Harukanı narahat edir. “Onların nüvə silahı və ya hərbi qüvvələrin istifadəsi kimi məsələlərə pul xərcləyəcəyindən narahatam. Bəlkə də, biz elə bir gələcəyə doğru gedirik ki, hansısa münaqişəyə girməkdən başqa seçimimiz olmayacaq”.

LDP-nin qələbəsinə fərqli baxışlar

Partiyanın qələbəsi aydınlaşmağa başlayanda 42 yaşlı seçici Naohisa Komiyama bazar ertəsi Reuters agentliyinə bunları deyib: “Mən Liberal Demokrat Partiyasını dəstəkləyirəm, lakin onların həddən artıq böyük fərqlə qalib gəlməsi məni bir qədər narahat edir”.

O, fikrini belə tamamlayıb: “Əgər insanların fərqli fikirləri səsləndirə bilməyəcəyi bir mühit yaranarsa, düşünürəm ki, diqqətsizlik və təkəbbür baş qaldıracaq”.

24 saat