Papa Leo XIV-ün Tarixi Tətili: Ənənə, Ekoloji Şüur və İqtisadi Canlanma
Katolik dünyasının yeni ruhani lideri və tarixin ilk Amerikalı papası
Papa Leo XIV vəzifəyə gəldikdən sonra ilk dəfə istirahətə çəkilib. Bu istirahət təkcə bir tətil deyil, həm ənənəvi, həm ekoloji, həm də iqtisadi baxımdan əhəmiyyətli bir qərardır. Roma Pontifiki Vatikanın əsrlər boyu yay iqamətgahı kimi istifadə etdiyi
Castel Gandolfoya yollanaraq,
sələfi Papa Fransisin dayandırdığı ənənəni yenidən canlandırıb.
“Cənnətin Qapısı”nda Bir Ay
Romanın 24 kilometrliyində, göl kənarında yerləşən tarixi qəsəbə pontifikin bu ay qalacağı yer olacaq. 1400 metr yüksəklikdəki bu bölgə, Vatikanın isti yaylarından qaçmaq istəyən papalar üçün əsrlərdir bir sığınacaq olub. Yerli əhalinin “cənnətin qapısı” adlandırdığı bu təbiət möcüzəsi,
Leo XIV-ün seçimi oldu.
Papalıq Muzeyi Yerinə Tətil Köşkü
Papa Fransis əvvəlki iqamətgahı muzeyə çevirərək, ictimaiyyətin ziyarət edə biləcəyi turistik məkana çevirmişdi. Lakin yeni papa tarixi ənənəni bərpa etsə də, eyni binada deyil, dərhal yanındakı Villa Barberinidə məskunlaşmağa üstünlük verib. Qədim Roma İmperatoru Domisianın villasının üzərində qurulan bu tikilidə, gölə baxan terraslar və təbiətlə iç-içə bir atmosfer mövcuddur.
Raket Əlindən Düşmür
Qısa müddətdə metodlu və çalışqan davranışı ilə tanınan ruhani lider, tətilində belə planlı hərəkət edir. Onu
Castel Gandolfo tennis klubunda raket yelləyərkən, ya da Papa II İoann Pavel dövründən qalan üzgüçülük hovuzunda istirahət edərkən görmək mümkündür.
Xalqla İç-İçə Papa
Pontifikin iyulun 13-ü və 20-də yerli kilsələrdə ayin keçirməsi və "Angelus" duasını meydandan etməsi planlaşdırılır. Bu, Vatikan balkonundan edilən klassik dualardan fərqli olaraq, xalqla birbaşa təmas qurmaq imkanı yaradır. Bələdiyyə sədri Alberto De Ancelis: “Ümid edirik ki, ruhani lider sadəcə villasında qalmaz, sahibkarlarımızla görüşər, xalqla nahar edər”, – deyərək gözləntisini dilə gətirib.
Ekoloji Ayinə Rəhbərlik
Papa Leo XIV təbiətə olan həssaslığı ilə də seçilir. İyulun 9-da, “Yaradılışın qorunması” mövzusu ilə yeni hazırlanmış xüsusi dualarla qapalı bir ekoloji ayinə rəhbərlik edəcək. Bu tədbir, Papa Fransisin başladığı “Borqo Laudato Si” adlı ətraf mühit layihəsinə dəstək xarakteri daşıyır.
Turizm Canlanır, Lakin Davamlılıq Şərti ilə
Yeni papanın gəlişi, təxminən 9 min əhalisi olan
Castel Gandolfoda iqtisadi aktivliyi özü ilə gətirib. Bölgə sakinləri Fransis dövründə azalan turist sayından şikayətçi idilər. İndi isə kafelər, restoranlar, hədiyyəlik əşya dükanları və dünyaca məşhur “La Musa Mosaici” mozaika emalatxanası yenidən dolub-daşır. Bölgədəki ətraf mühit məsləhətçilərindən Valentina Bianci isə həddindən artıq izdihamdan narahatlığını dilə gətirərək, “Hamımız birlikdə, lakin tarazlıqla ziyarətçi axını olmalıdır. Davamlı turizm əsas götürülməlidir”, – deyib.
24 saat
