Yunanıstanın keçmiş baş naziri Samarasın qızı dünyasını dəyişdi

Yunan mediasının məlumatına görə, Lena Samaras dünən (cümə axşamı) keçirdiyi epilepsiya krizi nəticəsində paytaxt Afinadakı Sismanoğlu Dövlət Xəstəxanasına yerləşdirilib. O, burada nevroloq olmadığı üçün Evangelismos Dövlət Xəstəxanasına köçürülüb.

Həkimlərin Müdaxiləsinə Baxmayaraq

Xəstəxanada nevroloqların müayinəsi zamanı ikinci dəfə epilepsiya krizi keçirən Lena Samaras, həkimlərin bütün cəhdlərinə baxmayaraq, xilas edilə bilməyib. Əvvəllər bu xəstəliyə tutulmadığı qeyd edilən 34 yaşlı mərhum, inşaat mühəndisi idi.

Yunanıstan Liderindən Başsağlığı

Yunanıstanın Baş naziri Kiryakos Miçotakis, X sosial media platformasında verdiyi açıqlamada, Antonis Samaras və həyat yoldaşı Georgiaya başsağlığı və səbir diləyib. Miçotakis, "Lena Samarasın qəfil və bu qədər acı bir şəkildə itkisi hamımızı kədərə boğdu. Mən və həyat yoldaşım Marevanın fikirləri Antonis və Georgiadadır. Onların ağrısı bizim ağrımızdır. Güc və səbir arzulayırıq" ifadəsini işlədib. Antonis Samaras, 2009-2015-ci illərdə Miçotakisin hazırda liderliyini etdiyi Yeni Demokratiya Partiyasının sədri olub. O, 2012-2015-ci illərdə isə Baş nazir vəzifəsində çalışmışdı.

24 saat