Yuri Stoyanov yadplanetlilərə inandığını açıqladı

STS kanalında yeni fantastik komediya nümayiş olunur

fantastik komediya «Не в своей тарелке» - Yuri Stoyanov yadplanetlilərə inandığını açıqladı - Fevralın 16-da STS telekanalında “Не в своей тарелке” adlı yeni fantastik komediya serialının premyerası baş tutacaq. Filmdə kənddə məskunlaşan yadplanetliləri Daşa Vereşagina, Vlad Proxorov və Andrey Pınzaru canlandırır. Onlarla təmasa girən yerli sakinlər – sahə müvəkkili Sergey Petroviç və traktorçu İqor rollarında isə Yuri Stoyanov və Denis Prıtkov çəkiliblər.

Yuri Stoyanov və digər aktyorlar yeni obrazları haqqında

“Mənim qəhrəmanım kənddə yadplanetlilərə həqiqətən inanan yeganə şəxsdir”, – deyə Yuri Stoyanov bildirir. “Uşaqlıqda bütün fantastik ədəbiyyatı oxumuşam. İndi təsəvvür etsək, onlarla qarşılaşsaydım, mütləq balıq, turşu şorbası və ya blinçiklə qonaq edər, təmiz araq süzərdim. Bütün bunları isə yalnız bir məqsədlə edərdim – özüm yaxşı bir məclis qura bilim deyə”.

Bu yeni serial Denis Prıtkov və Daşa Vereşagina üçün ilk komediya təcrübəsi olub. “Əvvəlcə özümü qeyri-adi hiss edirdim, lakin yadplanetli atmosferi mənimlə qaldı”, – deyə Daşa Vereşagina təəssüratlarını bölüşüb. “Dəqiqlik və konkretlik baxımından Sveta obrazı tamamilə mənə uyğundur. Qəhrəmanın hər şeyi səssiz-səmirsiz, şikayətlənmədən etməsi xoşuma gəlir, ancaq bu, eyni zamanda məni qıcıqlandırır da. Demək istəyirdim ki, “Sveta, artıq bir az ağla, dəmir parçasından başqa kimisə qucaqlamağa özünə icazə ver”.”

Xüsusi effektlər və çəkiliş prosesinin detalları

Serialdakı qalaktikalararası yadplanetlilərin, danışan qunduzların, yadplanetli canavarların görünüşü və digər xüsusi effektlər üzərində “Чебурашка” və “Последний богатырь” kimi layihələrlə tanınan “UnitFive” kompüter qrafikası studiyası işləyib. Çəkisizlik şəraitində uçuş səhnələri, kosmik gəminin tərtibatı və digər yadplanetli texnologiyaları isə “MFrame” studiyası hazırlayıb.

“Biz bütöv bir dünya yaratdıq, buna görə də yadplanetlilərin xarici görünüşü onların texnologiyaları və gəmilərinin dizaynı ilə ahəng təşkil edir”, – deyə prodüser Vladimir Vereşagin qeyd edir. “Danışan qunduzlara xüsusi diqqət yetirdik. Onların cazibədar və canlı mimikalara sahib olmasını istəyirdik. Nəticədə hər birinin özünəməxsus xarakteri alındı”.

Çəkilişlərdə qunduzları “Чебурашка” filmində də rol alan dublyorlar canlandırıb. Heyvanları isə aktyor Yeqor Ovçinnikov (“Телохранители”) və serialın rejissoru Aleksandr Solovyov səsləndirib. Gəmiricilərlə döyüş səhnələri, qəhrəmanların açıq kosmosa çıxması, İqorun anbardan uçması, traktorla inəyin toqquşması və digər gərgin epizodlar tryuk quruluşçusu Andrey Beryozkin (“Хроники русской революции”) və art-direktor Anatoli Turun (“Последний богатырь”) rəhbərliyi ilə həyata keçirilib.

Mürəkkəb süjet xətti ilə seçilən fantastik komediya

“Ssenarini oxuyanda heyrətlənirdim: hər seriya yeni bir macəradır”, – deyə Andrey Pınzaru xatırlayır. “Elə epizod var ki, Borya öz ayağını kəsir və yerində yenisi bitir, başqa birində onu mişarla iki yerə bölürlər, bir dəfə isə qunduzlar və uşaqlarla döyüşür”.

Süjetə görə, kəndə enərək insan cildinə girən üç yadplanetli haqqında həqiqəti yalnız traktorçu İqor (Denis Prıtkov) bilir. Sahə müvəkkili Sergey Petroviç (Yuri Stoyanov) nəsə bir qəribəlik hiss etsə də, ona heç kim inanmır. Çünki yeni gələnlər kənd həyatına tez uyğunlaşırlar: İqor sevgisini Sveta (Daşa Vereşagina) obrazında tapır, müəllimə İra (Sonya Priss) Roma (Vlad Proxorov) ilə mənəvi yaxınlıq qurur, sahə müvəkkilinin qızı Lyuba (Yelizaveta Qonçarenko) isə pəhləvan Borya (Andrey Pınzaru) ilə tanış olur. Lakin çaya düşən yadplanetli maddəsi sayəsində danışmağa başlayan qunduzlar da daxil olmaqla, ətrafda baş verən qəribə hadisələr səbəbindən həqiqəti gizlətmək getdikcə çətinləşir.

24 saat