128 illik evdə sirli otaq tapıldı: Görənlər təhlükə xəbərdarlığı edir

ABŞ-da yaşayan bir qadın, yuxarı mərtəbədəki şkafda panellərin qeyri-adi göründüyünü müşahidə edib. Daha yaxından baxdıqda panellərin arxasında gizli bir otaq olduğunu aşkar edib. Bu kəşfini sosial media platforması Reddit-də paylaşan qadın yazıb: "Bu otağı evimdə tapdım. Oraya yalnız yuxarı mərtəbədəki şkafın panelini çıxarmaqla daxil olmaq mümkündür. Çox maraqlı və cəlbedici olduğunu düşünürəm! Evin özü isə 1897-ci ildə inşa edilib..." Oğlu daha əvvəl ev planında bir uyğunsuzluq olduğunu fərq etmişdi. Xüsusilə də çardağın evin qalan hissəsinin ölçülərinə uyğun gəlmədiyini bildirirdi. Anası onun bu müşahidəsini təsdiqləyən kəşfə imza atdı.

OTAQ HANSI MƏQSƏDLƏ İSTİFADƏ EDİLMİŞ OLA BİLƏR?

Qadın sosial mediada "Sizcə bu otaq hansı məqsədlə istifadə edilmiş ola bilər?" sualını verib.

Rəylər sürətlə artmağa başlayıb. Bəzi şərhlər belə olub:

• "Olduğu kimi saxlayın. Yatan varlıqları oyatmayın."
• "Otağı açdıqdan sonra evdə qəribə bir enerji hiss etmisinizmi?"
• "Bu cür gizli otaqlar ABŞ Müstəqillik Müharibəsi və ya ABŞ Vətəndaş Müharibəsi dövründə ərzaq saxlamaq, yaxud qiymətli əşyaları düşməndən qorumaq üçün inşa edilirdi."
• "Quldarlıqdan qaçanları gizlətmək üçün tikilmiş ola bilər."

Lakin bir başqa istifadəçi bu fikirlərə qarşı çıxaraq yazıb:

"Qeyd edək ki, 1897-ci il ABŞ Vətəndaş Müharibəsinin və quldarlığın bitməsindən 30 ildən çox sonraya təsadüf edir. Bu açıqlama tarixi cəhətdən o qədər də əsaslı görünmür."

Digər bir istifadəçi isə bunu belə müdafiə edib:

"Bəli, müharibə bitmişdi. Lakin bəzi bölgələrdə quldarlıq mədəniyyəti və vərdişləri uzun müddət davam edib. Eynilə, Böyük Depressiya dövrünü yaşamış insanlar illər sonra belə anbar və sığınacaqlar hazırlamağa davam ediblər. Gizli otaqlar da təhlükəsizlik səbəbi ilə istifadə olunmağa davam edib."

KEÇMİŞİN SƏSSİZ ŞAHİDLƏRİ

Tarixi cəhətdən gizli otaqlar bir çox məqsəd üçün istifadə edilmiş ola bilər:

• Sığınacaq və ya saxlama sahəsi;
• Qaçan qulların gizləndiyi dayanacaqlar;
• Alkoqol qaçaqmalçılığı (ABŞ-da spirtli içki qadağası dövründə);
• Gizli keçidlər və ya qaçış marşrutları.

24 saat