30 illik toy arzusu şokla bitdi: Ata qutunu açıb hər şeyi anladı

Otuz İldən Sonra Ortaya Çıxan Şok Həqiqət

gelinlik - 30 illik toy arzusu şokla - ABŞ-da yaşayan Tammy Gaddis otuz il əvvəl xüsusi olaraq qoruma altına aldığı gəlinlik sandığını qızı evlənmədən əvvəl açarkən böyük bir şok yaşayıb. Gəlinlik qutusundan çıxan paltar ona aid olmayıb.

"Gördüyüm An Anladım"

Xanım Gaddis, Oklahoma ştatının Tulsa şəhərində evləndiyi gəlinlik paltarını bu yay qızının toyunda istifadə etmək üçün yenidən düzəltdirməyi planlaşdırırdı. Bu səbəbdən də qutunu qızı ilə birlikdə açıb. Lakin qapağı açar-açmaz bir səhv olduğunu görüb. O, "Gəlinliyi gördüyüm an bunun mənim olmadığını anladım" deyə bildirib.

Qutudan çıxan paltar ilk baxışda onun öz gəlinlik paltarına bənzəyirdi. Üzəri naxışlı idi. Lakin əsaslı bir fərq vardı. Tammy Gaddis vəziyyəti izah edərkən deyib: "Bu gəlinliyin ətəyi sabit idi. Mənim gəlinliyimin ətəyi isə çıxarıla bilirdi. Buna görə də səhv düşdüyünə əmin oldum."

Əsas pis xəbər isə sonradan gəlib. Gaddis gəlinlik paltarını illər əvvəl saxlayan Tulsa şəhərindəki müəssisənin artıq bağlandığını öyrənib. Üstəlik, illər ərzində başqa bir ştata köçdüyü üçün paltarına çatma ehtimalı daha da çətinləşib.

Ümidini Qoruyur

Yaşadığı vəziyyəti "emosional bir qarışıqlıq" kimi təsvir edən Tammy Gaddis yenə də ümidini itirmir. O, "Bəlkə kiminsə qarderobunda mənim gəlinliyim var. Bu qutudan çıxan paltar da əslində onundur" deyərək çağırış edib.

Tammy Gaddis xüsusilə qızılı rəngli saxlama qutularında gəlinlik paltarı saxlayan qadınlardan geyimlərini yoxlamalarını xahiş edib. O, qutuların iç hissəsində paltarı görməyə imkan verən bir pəncərə olduğunu və bu yolla gəlinliyin həqiqətən kimə aid olduğunun aydınlaşdırıla biləcəyini söyləyib.

Gaddisin ən böyük istəyi isə gəlinlik paltarını yenidən görməkdir. O, bu paltarı qızına verərək ona ikinci bir həyat qazandırmaq istəyir. Duyğularını bölüşən Gaddis, "Bu mənim üçün dünyalara dəyər olardı" deyib.

24 saat