ABŞ-dan Suriyada İŞİD-ə Qisas Zərbəsi: 70 Hədəf Vuruldu

ABŞ DEAŞ-a Qarşı "Şahin Gözü Əməliyyatı"nı Başladı

Şahin Gözü Operasyonu - ABŞ-dan Suriyada İŞİD-ə Qisas Zərbəsi - ABŞ Müdafiə naziri Pete Hegseth, 13 dekabr tarixində Suriyada terror təşkilatı DEAŞ üzvünün həyata keçirdiyi silahlı hücum nəticəsində 2 ABŞ hərbçisi və 1 ABŞ vətəndaşının həlak olması ilə bağlı bölgədə "Şahin Gözü Əməliyyatı"nı başlatdıqlarını elan edib.

"Şahin Gözü Əməliyyatı"nın Təfərrüatları

Hegseth, öz sosial media hesabında əməliyyatla bağlı məlumat paylaşıb. Suriyanın Palmira şəhərində 13 dekabrda bir DEAŞ mənsubunun ABŞ hərbçilərinə qarşı hücumuna cavab olaraq Vaşinqton rəhbərliyinin Suriyada "Şahin Gözü Əməliyyatı"na start verdiyini bildirən Hegseth, bunun bir müharibə başlanğıcı deyil, bir "qisas elanı" olduğunu ifadə edib.

İraq və Şam İslam Dövləti

ABŞ-dan Sərt Xəbərdarlıq

Hegseth, çıxışında bu cümlələri qeyd edib: "Vəhşi hücumdan dərhal sonra dediyimiz kimi, dünyanın istənilən yerində ABŞ vətəndaşlarını hədəfə alsanız, qısa və narahatlıq dolu həyatınızın qalan hissəsini ABŞ-ın sizi ovlayacağını, tapacağını və amansızcasına öldürəcəyini bilərək keçirəcəksiniz."

DEAŞ Hücrələri Hədəfə Alındı

Yerli mənbələrdən əldə edilən məlumatlara görə, koalisiya qüvvələri Suriyanın Rakka, Deyr əz-Zor, Tədmur və Homs vilayətlərində DEAŞ hücrələrinə qarşı əməliyyatlar həyata keçirib.

Mənbələr, həmçinin ABŞ-a məxsus qüvvələrin Həsəkə vilayətinə bağlı Şəddadi rayonunda yerləşən hərbi bazalarından DEAŞ hücrələrini hədəf alan raket zərbələri endirdiyini qeyd edib.

100-dən Çox Dəqiq Güdümlü Döyüş Sursatı İstifadə Olundu

ABŞ Mərkəzi Komandanlığının (CENTCOM) yaydığı görüntülərdə isə DEAŞ-a aid hədəflərin çoxsaylı hava zərbələri ilə vurulduğu görülüb. CENTCOM-dan verilən açıqlamada, ABŞ və İordaniya qüvvələrinin Suriyadakı 70-dən çox DEAŞ hədəfini 100-dən çox dəqiq idarə olunan döyüş sursatı ilə vurduğu bildirilərək, hücumların "Güc yolu ilə sülhü bərqərar etmə" prinsipini əks etdirdiyi vurğulanıb.

CENTCOM-dan günün əvvəlində "Şahin Gözü Əməliyyatı" ilə bağlı edilən ilk açıqlamada, döyüş təyyarələri, hücum vertolyotları və ağır silahlarla Suriyanın mərkəzindəki bir çox nöqtədə DEAŞ hədəflərinin vurulduğu qeyd edilib. Açıqlamada, "İordaniya Silahlı Qüvvələri də döyüş təyyarələri ilə əməliyyata dəstək verdi" ifadələri istifadə olunmuşdu.

Əvvəlki Hücum Necə Olmuşdu?

13 dekabr tarixində Suriyada təkbaşına hərəkət edən bir DEAŞ üzvünün təşkil etdiyi pusqu nəticəsində 2 ABŞ hərbçisi və 1 ABŞ vətəndaşı həlak olmuş, 3 hərbçi isə yaralanmışdı.

24 saat