Alvarez "Fənərbaxça gözlədiyimdən böyükdür" dedi

Fenerbahçe heyətinə yeni oyunçu qatdı

Edson Alvarez "Fənərbaxça"da

"Fənərbaxça" Edson Alvarez ilə müqavilə imzalayıb. Meksikalı futbolçu mövsümün sonuna qədər icarə əsasında, satın alma opsiyonu ilə komandaya qoşulub. Klub rəsmi açıqlamasında bu transferi təsdiqləyib.

Klubun açıqlamasında deyilir: "Komandamız meksikalı milli oyunçu Edson Alvarez-in 2025–2026 mövsümünün sonuna qədər satın alma opsiyonu ilə birgə icarə transferi üçün İngiltərənin "Vest Hem Yunayted" klubu ilə razılığa gəlib. 28 yaşlı uğurlu yarımmüdafiəçi, özünü sarı-lacivərt rənglərə bağlayan müqaviləyə imza atıb. Edson Alvarez-ə 'Ailəmizə xoş gəldin' deyir; 'Fənərbaxça'mız ilə sarı-lacivərt nice zəfərlər və çempionluqlar arzulayırıq".

"Fənərbaxça" Futbol üzrə Direktoru Devin Özek imzaların ardından bunları söyləyib: "Meksika Milli Komandasının kapitanı Edson Alvarez ilə müqavilə imzaladıq. Güclü, ağıllı və beynəlxalq səviyyədə yüksək təcrübəyə malikdir. Onu klubumuza qəbul etməkdən çox xoşbəxtik".

Edson Alvarez: "Düşündüyümdən daha böyük"

Sarı-lacivərtlilərə yeni qoşulan müdafiə oyunçusu Edson Alvarez, "Fənərbaxça"nın düşündüyündən qat-qat daha böyük bir klub olduğunu bildirib.

Meksikalı oyunçu azarkeşlərin və klubun diqqətini yüksək qiymətləndirərək, "İlk öncə təşəkkür edirəm. 'Fənərbaxça'ya gəlməmişdən əvvəl çox böyük bir klub olduğunu bilirdim, lakin buraya gəldiyim ilk andan etibarən gördüm ki, 'Fənərbaxça' düşündüyümdən daha böyük bir klubdur. Buraya gəldiyim üçün çox xoşbəxtəm. Bir an öncə komandamla məşq etmək, stadionumuzda azarkeşlərimizlə tanış olub onların önündə oyuna çıxmaq istəyirəm" deyib.

Sarı-lacivərtli azarkeşləri meksikalılara bənzədən Alvarez, "Fənərbaxça azarkeşləri haqqında çox gözəl sözlər eşitmişəm. Çox həvəslidirlər və komandaları üçün hər şeylərini verirlər. Mən də 'Fənərbaxça' oyunçusu olaraq meydanda bütün keyfiyyətimi göstərib, 100 faizimi verərək oynayacağam. İndi əynimdə 'Fənərbaxça' forması var və bu forma üçün hər şeyi edəcəyəm. Azarkeşlərimizin heç şübhəsi olmasın" sözlərini əlavə edib.

Edson Alvarez sağlamlıq yoxlanışından keçdi

"Fənərbaxça"nın yeni transferi Edson Alvarez "Medicana Ataşehir" Xəstəxanasında sağlamlıq yoxlanışından keçib.

Qan analizləri aparılan meksikalı futbolçunun sağlamlıq yoxlanışları; ortopediya, daxili xəstəliklər, göz, qulaq-burun-boğaz, ümumi cərrahiyyə və kardiologiya bölmələrində davam edib.

Sağlamlıq yoxlanışları əzələ gücü, ağciyər, ürək testləri və radioloji müayinələrdən sonra MRT müayinəsi ilə tamamlanıb.

24 saat