Suriyada Druzilərə Qarşı Bədəvi Hücumu: Bölgədə Gərginlik Artır
Bədəvi qəbilələri
Suriyada, İsraildən böyük həcmdə hərbi dəstək alan Druzilərə qarşı genişmiqyaslı hücuma başlayaraq ümumi səfərbərlik elan edib. Bu addım Druzilərin
Suveydada bədəvi əhalinin bir hissəsini qətlə yetirməsi, bir qismini girov götürməsi və şəhərdən qovması fonunda atılıb.
Əhməd Əl Şaraa hökumətinə sədaqət andı içən bədəvilər, həm girov götürülmüş minə yaxın mülki bədəvini xilas etmək, həm də Druziləri məhv etmək üçün
Suveyda şəhərini mühasirəyə alıblar. Mənbələr, bu hökumətin bəzi tərəfdarlarının
sələfi ideologiyasına yaxın olduğunu qeyd edirlər. İsrailin hücumlarından sonra geri çəkilən ordunun yerini nizamsız bədəvi qüvvələri tutub. Bu arada,
Suveydada elektrik və internet kəsilib ki, bu da bölgədə məlumat blokadasına səbəb olub.
Bildirilir ki, İsrail təyyarələri və PUA-ları bədəvi qəbilə milislərini vurub. Lakin yerli mənbələrə görə, milislər geri çəkilməyib, əksinə,
Suveyda şəhərinin içərilərinə doğru irəliləyirlər.
Planlar Alt-Üst Oldu
Bu vaxtda,
Suriya mənbələri İsraildən yardım istəyərək hava hücumlarını tətikləyən Dərzi lideri Şeyx Hikmət Əl Hicrinin Dəməşq hökuməti ilə əlaqə saxlayaraq arabuluculuq istədiyini bildiriblər. Dəməşq hökuməti isə bölgəyə təhlükəsizlik qüvvələrini göndərərək arabuluculuq səylərinə başlayacağını elan edib. Təhlükəsizlik qüvvələrinin maşınlarından ibarət konvoyun
Suveydaya gedən yolda görüntüləndiyi bildirilir.
Qəbilələrin bu genişmiqyaslı hücumu, cənubi
Suriyanı "silahsızlaşdırılmış zona" elan edərək ölkə torpaqlarına nəzarət etmək planlarını pozub.
İsrail Quru Əməliyyatına Başlayacaqmı?
Dəməşq hökumətinin birbaşa müdaxiləsi olmadan Dərzi milislərinə hücum edən qəbilələrin İsrail hücumları altında geri çəkilməməsi, İsrailin bölgədəki hegemonluğunu təhdid edir. Lakin İsrailin Qolan Təpələri və bu ölkənin Küneytra şəhəri bölgəsinə iki tabor əsgər göndərdiyi məlumdur. İsrailin müdafiə naziri İsrail Kats
Suriyada quru əməliyyatına başlamağa hazır olduqlarını bildirib. Mövcud vəziyyət, İsrailin birbaşa müdaxiləsi ilə nəticələnə bilər.
Lakin Avropa ölkələri və ABŞ İsrailin bölgədə hərbi müdaxilədə bulunmasını istəmədiklərini açıq şəkildə ifadə ediblər. ABŞ-ın
Suriya üzrə xüsusi nümayəndəsi Tom Barrack "münaqişə tərəflərinin geri çəkilməsini" alqışlayarkən, Almaniya, Fransa və İngiltərənin baş nazirləri İsrailin hücumlarını pisləyiblər.
24 saat
