Beşiktaşdan gedən futbolçu İngiltərəyə transfer oldu

Arthur Masuaku "Sanderlend"ə transfer olundu

Bir müddət əvvəl performansı ilə bağlı tənqidlərə məruz qalan və hətta komandadan kənarlaşdırılan Arthur Masuaku, "Beşiktaş" ilə müqaviləsinin bitməsi ilə klubu tərk edərək sərbəst oyunçu statusu qazanmışdı.

Ötən ilin noyabr ayında 160 min avro alacağı üçün klub rəhbərliyinə bildiriş göndərən və FIFA-ya şikayət edən Arthur Masuaku, o dövrdəki prezident Hüseyn Yücel və idarə heyətinin qərarı ilə heyətdən xaric edilmişdi. Lakin sonradan yenidən yüksəlişə nail olan təcrübəli oyunçu, müqavilə danışıqlarındakı 500 min avroluq fərq səbəbindən sözləşməni yeniləməmişdi.

Transfer rəsmiləşdi

"Beşiktaş" ilə yollarını ayıran Masuaku, İngiltərə Premyer Liqası komandasına transfer olundu. İngilis klubu "Sanderlend" Arthur Masuaku ilə rəsmi müqavilə imzaladı. 31 yaşlı sol cinah müdafiəçisi tibbi müayinədən keçdikdən sonra "Sanderlend"ə qoşuldu.

İngilis klubunun yaydığı açıqlamada deyilir: "Arthur Masuaku, "Sanderlend"ə xoş gəldin! Sol cinah müdafiəçisi iki illik müqavilə imzalayaraq klubun yay transfer dövründəki 10-cu transferi oldu." Müqavilənin müddətinin 2 il olduğu bildirilir.

24 saat