ABŞ-da Orqan Nəqli Sonrası Nadir Komplikasiya
İlk hadisə Massaçusets Ümumi Xəstəxanasında (MassGen)
orqan nəqli olunmuş 61 yaşlı bir pasientdə qeydə alınıb. Əməliyyatdan on həftə sonra pasient ürəkbulanma, qusma, həddindən artıq susuzluq, qarın və kürək ağrısı, qızdırma və təngnəfəslik şikayətləri ilə başqa bir xəstəxanaya müraciət edib. Daha sonra tənəffüs çatışmazlığı və şok vəziyyəti inkişaf etdikdə MassGen-in reanimasiya şöbəsinə köçürülüb. Pasientin qarın bölgəsində göyərmələr və səpkilər başlayıb, oksigen səviyyəsi düşüb.
İnfeksiya Şübhəsindən Diaqnoza Doğru
Pasientin immun sistemini zəiflədən dərmanlar qəbul etməsi onu infeksiyalara qarşı həssas edirdi. Həkimlər antibiotik və antiviral müalicələrə baxmayaraq heç bir yaxşılaşma müşahidə etmədikdə bakterial və viral infeksiya ehtimalını istisna ediblər. Qanda eozinofil ağ qan hüceyrələrinin artması
parazit infeksiyası şübhəsini gücləndirdi.
Yoluxucu xəstəliklər üzrə mütəxəssis doktor Kamilla Kotton, əvvəllər böyrək nəqli sonrası Strongyloides stercoralis adlı parazitin yoluxduğu halları eşitdiyini bildirərək orqan bağışlama mərkəzi ilə əlaqə saxlayıb. Aparılan testlər nəticəsində mərhum donarın qanında parazitə qarşı antikorların olduğu, pasientdə isə nəqildən əvvəl bu antikorların olmadığı, lakin nəqildən sonra inkişaf etdiyi müəyyən edilib. Bədəndə aparılan araşdırmalar zamanı qurdların qarın, ağciyər və dəridə yayıldığı aşkar olunub.
Geniş Miqyaslı Təsir Və Müalicə
ABŞ-da son 10 ildə aparılmış minlərlə
orqan nəqli əməliyyatında donordan qaynaqlanan infeksiyalar nadir hallarda müşahidə olunur; hər 10 min nəqldən 14-də belə vəziyyətə rast gəlinir. Lakin Strongyloides infeksiyaları bütün
parazit infeksiyası hallarının 42 faizini təşkil edir. Buna görə də 2023-cü ildə Orqan Nəqli Şəbəkəsi bütün donorlarda bu
parazit üçün test aparılmasını məcburi edib.
MassGen komandası pasienti ivermektin adlı güclü antiparazitar dərmanla, birbaşa dərialtı tətbiq üsulu ilə müalicə edərək xilas etməyə müvəffəq olub. Bu vaxt donarın digər böyrəyini alan Albany Tibb Mərkəzindəki 66 yaşlı bir pasient də yorğunluq, ağ qan hüceyrələrində azalma və böyrək funksiyalarının pisləşməsi şikayətləri ilə müraciət etdikdə vəziyyətdən xəbərdar edilərək müalicəyə cəlb olunub.
Sağlamlıq Sistemində Koordinasiyanın Əhəmiyyəti
Hər iki pasientin müalicəsində xəstəxanalararası əlaqə və
orqan nəqli mərkəzinin sürətli məlumatlandırması həlledici rol oynayıb. Albany Tibb Mərkəzindən verilən açıqlamada deyilir: “Orqan nəqlləri həyatları xilas edir, lakin nadir hallarda bu cür koordinasiya həyati əhəmiyyət kəsb edir”. MassGen isə mövzu ilə bağlı heç bir açıqlama verməyib.
24 saat
