Diyanətdə eskort qalmaqalı təsdiqləndi: ATİB-dən açıqlama

DİN XİDMƏTLƏRİ MÜŞAVİRLƏRİNİN SKANDALI

Türkiyə Diyanət İşləri Başkanlığının Avstriyadakı təşkilatı ATİB-dən (Avstriya Türk-İslam Birliyi) verilən açıqlamaya görə, 2020-ci ildən sonra Ankaradan Viyanaya təyin olunan və birliyi idarə edən Din Xidmətləri Müşavirləri F.M.K. və M.Ş. həcc, qurban və Cümə ianələrini eskort qızlarla əyləncələrə sərf etməkdə ittiham olunublar. Hər iki bürokrat vəzifədən uzaqlaşdırılsa da, Diyanət-in eyni dövrdə Viyanada xidmət edən bir Din Xidmətləri Ataşesi və iki digər Diyanət əməkdaşı ilə bağlı araşdırmaları davam edir.

DİPLOMATİK HESABDAN ƏYLƏNCƏLƏR TƏŞKİL EDİLMƏSİ

63 quruluşu idarə edən ATİB-dən bu məsələ ilə bağlı verilən açıqlama qalmaqalı dolayısı ilə təsdiqləyib. Bəyanatda "eskort iddiaları" təkzib edilməyib və vurğulanıb ki, "sözügedən iddialar əvvəlki dövrü əhatə edir, Diplomatik Hesabdan qadınlarla əyləncələr təşkil etdiyi üzə çıxan bütün şəxslərin təşkilatla əlaqəsi kəsilib".

ŞƏFFAFLIQ VƏ MÜSTƏQİLLİK İDDİALARI

ATİB-in bəyanatında qeyd olunub: "Sözügedən iddialar mövcud idarə heyətinin vəzifəyə başlamasından əvvəlki dövrü əhatə edir. İlgili şəxslərin hamısı bu birlikdən ayrılmışlar. Mövcud idarə heyəti nə məsuliyyət daşıyıcısı, nə də səlahiyyətli olmadığı hadisələrlə əlaqələndirilməyi qəbul etmir." Tam şəffaflığın təmin edilməsi və şübhələrin aradan qaldırılması təşkilat üçün böyük əhəmiyyət kəsb edir. Təşkilat qeyd olunan məsələləri daxili olaraq diqqətlə araşdırır və məsələnin hərtərəfli və obyektiv şəkildə aydınlaşdırılması üçün səlahiyyətli orqanlarla sıx təmasdadır. İdarə heyəti ictimai etimadı qorumaq üçün qətiyyətlə çalışır.

Bəyanatda həmçinin vurğulanıb ki, ATİB Avstriya Dərnəklər Qanununa əsasən təsis edilmiş, öz idarə heyəti tərəfindən idarə olunan, mərkəzi Viyanada yerləşən, müstəqil və muxtar Avstriya dərnəyidir. Lakin məqalədə təşkilatın müstəqillik ilə muxtariyyəti səhv saldığı qeyd olunur. Qeyd olunur ki, bu birlik Türkiyə Diyanət-dən muxtar olsa da, müstəqil deyil, çünki onun idarəçiliyi Ankaradan göndərilən Din Xidmətləri Müşavirləri və Ataşelər tərəfindən istiqamətləndirilir.

24 saat