Fənərbaxça Arsenalın ulduzuna rəsmi təklif göndərdi

Fənərbaxça transfer çalışmalarına sürətlə davam edir. Klub, İngiltərənin Arsenal komandasının sol cinah müdafiəçisi Oleksandr Zinchenkonu heyətinə qatmaq üçün hərəkətə keçib.

Fənərbaxça Zinchenko üçün təklif irəli sürdü

Sarı-lacivərdli klub rəhbərliyi, Zinchenkonun transferi üçün Arsenal klubuna rəsmi təklif göndərib. Bu transferlə şəxsən maraqlanan baş məşqçi Jose Mourinho, ukraynalı futbolçunu orta sahədə oynatmağı planlaşdırır. 26 yaşlı oyunçunun dəyəri təxminən 20 milyon avro olaraq qiymətləndirilir.

Oleksandr Zinchenko kimdir?

Oleksandr Zinchenko, 1996-cı il dekabrın 15-də Ukraynanın Radomışl şəhərində anadan olub. O, əsasən sol cinah müdafiəçisi və ya orta sahə oyunçusu kimi çıxış edir.

Karyerasına Ufa klubunda başlayan Zinchenko, 2016-cı ildə Manchester Sitiyə keçib. Burada sol cinah müdafiəçisi kimi oynayaraq, dörd dəfə İngiltərə Premyer Liqası çempionluğu da daxil olmaqla bir çox titul qazanıb. 2022-ci ilin iyul ayında təxminən 30 milyon funt sterlinq qarşılığında Arsenal klubuna qoşulub və komandanın əsas oyunçularından birinə çevrilib.

24 saat