Fənərbaxça irqçiliyə görə cəzalandırıldı

UEFA Kontrol, Etik və İntizam Komitəsi, Türkiyənin Fənərbağça klubuna Viktoria Plzen matçında baş verən meydan və tribun hadisələri səbəbindən ümumilikdə 78.500 avro məbləğində pul cəzası verdi. Bundan əlavə, komandanın növbəti UEFA Avropa Liqası matçında səfər tribunasına bilet satışı qadağan edildi. Bu qadağa 2 il müddətində nəzarət altında saxlanılacaq və ilk səfər matçında tribunada hər hansı bir asayiş pozuntusu baş verərsə, dərhal qüvvəyə minəcəkdir.

UEFA Avropa Liqasının 4-cü həftəsində Fənərbağça Çexiya səfərində Viktoria Plzen ilə 0-0 hesablı bərabərə qaldı. Matça tribunlarda yaşananlar damğa vurdu. Plzen azarkeşləri, əsgər təsviri olan və üzərində "Vojna s Turkem musi bejt" (Türklərlə savaş olmalı) yazılan plakat açdı.

UEFA bu pankartı irqçi hesab etdi. Kontrol, Etik və İntizam Komitəsi, Viktoria Plzen azarkeşlərinin irqçi və/və ya ayrı-seçkilik davranışlarına görə kluba 15 min avro pul cəzası verilməsinə və ev sahibi kimi oynayacağı növbəti UEFA klub matçında stadionunun bir hissəsinin qismən bağlanmasına qərar verdi.

Eyni qarşılaşma sonrası Fənərbağçaya da cəza yağdı. Qurul, Fənərbağça azarkeşlərinin ayrı-seçkilik davranışları səbəbindən 15 min avro pul cəzası verdi. Həmçinin növbəti UEFA matçı üçün səfər azarkeşlərinə bilet satışı qadağan edildi. Tribuna cəzası iki il müddətində nəzarət altında olacaq və ilk səfər matçında tribunada yaşanacaq bir asayiş pozuntusu vəziyyətində qüvvəyə minəcək.

Türkiyənin Fənərbağça klubuna əlavə olaraq dörd fərqli hadisədən dolayı UEFA tərəfindən əlavə xərclər çıxarıldı. Belə ki, sarı-lacivərdlilərə çıxarılan ümumi məbləğ 78 min avro oldu. Bununla da Fənərbağçaya çıxan maddi cəza Plzenə kəsilənin beş qatını keçdi.

• Fənərbağça komandasının uyğunsuz davranışı - 8 min avro.
• Azarkeşin stadionda törətdiyi zərər - 15 min avro.
• Azarkeşin məşəl yandırması - 15 min avro.
• Azarkeşin meydançaya əşya atması - 25 min avro.

24 saat