Fənərbaxça transferlə bağlı açıqlama verdi

Fenerbahçe Avropa arenasında növbəti sınağa hazırlaşır. Klub rəhbərliyi transfer çalışmalarını sürətləndirərək komandanı gücləndirməyə çalışır.

"Feyenoord" matçı: Diqqətsizlik baha başa gəldi

"Fenerbahçe" İdarə Heyətinin üzvü Əhməd Ketenci UEFA Çempionlar Liqası 3-cü təsnifat mərhələsində "Feyenoord" ilə keçirilən ilk oyunda ani diqqətsizlik yaşadıqlarını bildirdi. Matçın ilk yarısındakı oyundan razı qalmadıqlarını vurğulayan Ketenci, ikinci hissədəki futbolun isə növbəti mərhələ üçün onlara ümid verdiyini qeyd etdi.

Görüşün son bölümündə hesabı bərabərləşdirdikdən sonra buraxılan qolun onları çox üzdüyünü deyən Ketenci, "Feyenoord"a qarşı ilk yarıda oynadığımız futbol heç birimizi məmnun etmədi. Ancaq ikinci yarıda oyunu tarazlaşdırdıq, üstünlüyümüzü hiss etdirdik və bunun nəticəsində qol vurduq. Matçın son anlarında bir az daha diqqətli ola bilsəydik, o asan qolu buraxmazdıq. Xüsusilə ikinci yarıdakı futbol "Kadıköy"də turu keçə biləcəyimizin göstəricisi oldu. Oyunçularımız buna inanır. İlk matçda onları ən çox üzən şey, matçı bərabərliyə gətirdikdən sonra asan bir qol yeməyimiz oldu", - deyə əlavə etdi.

"Matçın ilk yarısı bitdi"

Əhməd Ketenci, "Feyenoord" mübarizəsinin ilk yarısının sona çatdığını və ikinci yarının "Kadıköy"də oynanacağını vurğuladı.

Rəqiblərini möhtəşəm azarkeş ordusu önündə qəbul edəcəklərini vurğulayan Ketenci, "Bizim üçün bu matçın sadəcə ilk yarısı 2-1 bitdi. İkinci yarıyı, yəni cavab görüşünü öz evimizdə və möhtəşəm azarkeşlərimizin önündə oynayacağıq. Bu bizim üçün çox böyük bir üstünlükdür. Baş məşqçimizin də dediyi kimi, "Kadıköy" cəhənnəmində rəqibimizi qonaq edəcəyik", - deyə qiymətləndirdi.

Transferdə ikinci mərhələ

Texniki direktor Jose Mourinho-nun istəyi istiqamətində prioritet transferləri həyata keçirdiklərini vurğulayan Ketenci, "Rəhbərimiz, baş məşqçimiz, idman direktorumuz ilə transfer işlərini də gərgin şəkildə davam etdiririk. İlk mərhələdə baş məşqçimizin təcili alınmasını istədiyi oyunçulara fokuslandıq. O transferlərimizi tamamladıq. Yeni transferlərimizin ortaya qoyduğu futbol "Feyenoord" matçında bizləri məmnun etdi. Uyum prosesinin sonunda çox daha yaxşı futbol izlədəcəklərini göstərdilər. Təcili ehtiyaclarımızdan sonra transfer işlərimizin ikinci mərhələsinə başladıq, indi də ehtiyacımız olan bölgələrə əlavələr edəcəyik", - şəklində fikirlərini bildirdi.

Ketenci, sözlərini azarkeşlərə olan çağırışı ilə bitirdi: "Azarkeşlərimizdən xahişim, "Kadıköy"ü əsl bir cəhənnəmə çevirmələri. Bu atmosfer turun açarlarından biri olacaq. Hamımız birlikdə inanarsaq, bacara bilərik. Rəqibimizə 90 dəqiqə boyunca nəfəs almağa imkan verməyəcək bir atmosfer yaratmalıyıq. Bu tribunaların alovu ilə rəqibin dizlərinin titrədiyini, baş məşqçimizlə, oyunçularımızla və sizlərlə birlikdə dəfələrlə yaşadıq. İndi yenə yaşayacağıq. Bu işin bir də "Kadıköy"ü var."

24 saat