Fənərbaxçanın yeni kapitanı müəyyən edildi

"Fənərbaxça"da kapitan dəyişikliyi: Yeni mövsümün liderləri bəlli oldu

"Fənərbaxça" futbol klubunda 2024-2025 mövsümündə komanda kapitanı kimi çıxış edən Edin Dzeko və Dusan Tadicin ayrılmasından sonra, sarı-lacivərd komandanın 2025-2026 mövsümü üçün yeni kapitanları müəyyənləşib.

Tək kapitanlı sistem

TRT Spor-un məlumatına əsasən, "Fənərbaxça"nın bu mövsüm üçün ilk kapitanı Mert Hakan Yandaş olub. Baş məşqçi Joze Mourinyonun qərarına əsasən, İrfan Can Kahveci, Fred və Skriniar da kapitan olacaqlar.

Əvvəlki illərdən fərqli olaraq, sarı-lacivərd komandada ikinci və üçüncü kapitan anlayışı olmayacaq. Mert Hakan Yandaşdan başqa, kapitan sarğısını taxan hər bir oyunçu eyni səviyyədə qəbul ediləcək.

Mourinyonun bu qərarı qəbul edərkən, Mert Hakan Yandaşın meydandan kənarda da ünsiyyət və koordinasiya bacarığına güvəndiyi, eləcə də onun komanda ilə olan dialoqunu nəzərə aldığı bildirilib.

24 saat