Özek: "Fenerbahçenin gələcəyi üçün vacib transfer"
Devin Özek, bu transferlə bağlı başdan-ayağa müsbət hisslər bəslədiyini və onun mümkün olacağına inandığını bildirib. O qeyd edib ki, "Fenerbahçe böyük bir futbol klubudur. Bizim yüksək səviyyəli baş məşqçimiz və iddialı layihəmiz var. Bu transferin baş tuta biləcəyini düşünürdük. Biz ora getdik, bütün lazımi addımları atdıq və nəticədə bu keçid reallaşdı."
Özek əlavə edib: "Jhon Duran çox vacib bir futbolçudur. Komandamıza ac, dinamik və motivasiyalı oyunçular cəlb etmək istəyirik. Bu istiqamətdə çox çalışırıq. O da məhz belə bir futbolçudur. Biz onunla yaxşı bir başlanğıc etdik. Komandanı inkişaf etdirmək üçün əlimizdən gələni edirik."
Herrera: "Gənc ulduz öz yaş qrupunun ən yaxşı 9 nömrələrindən biridir"
Kolumbiyalı futbolçunun meneceri Conatan Herrera da transfer prosesi haqqında fikirlərini bölüşüb. Herrera bildirib ki, "Duran çox xoşbəxtdir. Bu qərarı ailəsi ilə birlikdə qəbul etdik. O, bunun özü üçün yaxşı bir fürsət olduğunu bilir. İddialıdır və komandaya qoşulmaq üçün səbirsizlənir. Bu transferin onun karyerasında uğurlu bir addım olacağına inanır və kluba çox kömək edəcəyini düşünür. Joze Mourinyo ilə işləmək onun üçün xüsusilə vacibdir. Əminəm ki, hər şey çox gözəl olacaq və komanda hədəflədiyi çempionluğa çatacaq. Bu gənc hücumçu öz yaş qrupunun ən yaxşı 9 nömrəli futbolçularından biridir."