Gözəllik salyangozların soyunu kəsir

Parlaq sarı, qırmızı, narıncı və mavi rəng çalarları ilə göz oxşayan Polymita ilbizləri təbiətdə nadir estetik görünüşə malikdir. Lakin məhz bu cəhət onların varlığı üçün ən böyük təhlükəyə çevrilib. Göstərişli qabıqlarına görə qanunsuz yollarla toplanaraq yüksək qiymətə satılan bu ilbizlərin sayı sürətlə azalmaqdadır.

Xüsusilə Polymita sulpurosa növü, laymı xatırladan yaşıl rəng tonu və spiral naxışları ilə seçilir. Bütün bu növlər isə canlı rəngləri və müxtəlif naxışları səbəbilə kolleksiya ticarətinin hədəfindədir.

QABIQ TİCARƏTİ TƏHLÜKƏSİ BÖYÜYÜR

Qanunsuz qabıq ticarəti bu növün yox olmasını sürətləndirir. Bu qabıqlar Kubadan icazəsiz çıxarılması qadağan edilsə də, müxtəlif ölkələrdə asanlıqla satılır. Onlayn satış platformalarında qabıq kolleksiyalarının yüzlərlə dollara alıcı tapdığı müşahidə olunur.

Beynəlxalq müqavilələr bu ticarəti məhdudlaşdırmağı hədəfləsə də, tətbiqdə effektiv nəzarət təmin edilmir. Satılan hər bir qabığın bir zamanlar canlı ilbizə aid olduğu və bu satışın bir növün sonuna gətirib çıxara biləcəyi barədə xəbərdarlıq edilir.

MÜHAFİZƏ VƏ TƏDQİQAT İŞLƏRİNƏ BAŞLANILIB

Kubalı tədqiqatçılar ilə avropalı elm adamları Polymita ilbizlərini qorumaq üçün birgə elmi təşəbbüsə başlayıblar. Məqsəd, bu ilbizlərin genetik quruluşunu araşdıraraq növün təkamül prosesini anlamaq və effektiv mühafizə strategiyası hazırlamaqdır.

Tədqiqatlar həm təbii yaşayış sahələrində, həm də laboratoriya şəraitində davam etdirilir. Elm adamları ilbizlərdən əldə edilən toxumaları genetik analiz üçün xüsusi olaraq dondurur. Bununla həm növlər arasındakı genetik fərqlər, həm də qabıq naxışlarının yaranmasında təsirli olan genlər müəyyən edilməyə çalışılır.

YOK OLMADAN ƏVVƏL SİRLƏRİ AÇILMAQ İSTƏNİR

Alimlər bu nadir canlıların tamamilə yox olmadan əvvəl təkamül və bioloji sirlərini açmaq niyyətindədirlər. Lakin növü təhdid edən amillər yalnız bu qanunsuz fəaliyyət ilə məhdudlaşmır. İqlim dəyişikliyi, meşə təxribatı və təbii yaşayış sahələrinin daralması da Polymita ilbizlərinin mövcudluğunu ciddi şəkildə təhdid edir.

24 saat