Güney Çin Dənizində gərginlik yüksəldi: Hərbi və sahil mühafizə gəmiləri toqquşdu

Filipin Sahil Mühafizəsi tərəfindən verilən açıqlamada, mübahisəli Cənubi Çin dənizindəki Skarboro Rifində həyata keçirilən təchizat missiyası zamanı Filippinə məxsus gəmilərin və balıqçılarının Çin gəmiləri tərəfindən təhlükəli manevrlərə və əngəlləmə əməllərinə məruz qaldığı bildirilib.

Hərbi Gəmilər Toqquşdu

Heyət üzvlərinin səyləri sayəsində fiziki müdaxilədən qaçınıldığı vurğulanıb. Bu zaman Çin Sahil Mühafizə (CCG) gəmisi 3104 ilə Filippinə aid patrul gəmisini izləyən Çin Xalq Azadlıq Ordusunun Hərbi Dəniz Qüvvələrinə məxsus döyüş gəmisinin toqquşduğu bildirilib.

Məqsəd Toqquşma İdi

Çin Sahil Mühafizə gəmisinin Çin donanma gəmisinə çırpıldığı və sahil mühafizə gəmisinin burun hissəsində ciddi zədə yarandığı qeyd edilib. Filipin Baş Qərargah rəisi General Romeo Brawner açıqlamasında, "Bizim qiymətləndirməmizə görə, Çin donanma gəmisinin əsas məqsədi Filipin Sahil Mühafizəsinin gəmisinə çırpılmaq idi" deyə bildirib. Filippin Xarici İşlər Nazirliyindən verilən bəyanatda, Çinin "təhlükəli manevr"lərindən ciddi narahatlıq duyulduğu vurğulanıb. Toqquşmanın "beynəlxalq dənizçilik qaydalarına əməl etməyin vacibliyini" göstərdiyi qeyd edilən açıqlamada, Filippin gəmisindəki heyət üzvlərinin Çin tərəfinə tibbi yardım və digər müvafiq dəstəklər təklif etdiyi vurğulanıb.

Bölgədə İlk Toqquşma

Paylaşılan görüntülərdə Çin Sahil Mühafizə gəmisinin Filippin Sahil Mühafizə gəmisini izlədiyi, daha sonra Çin donanma gəmisinin qəfildən yolunu kəsərək Çin Sahil Mühafizə gəmisinə çırpıldığı və onun burun hissəsinə zərər verdiyi görünür. Bunun bölgədə Çin gəmiləri arasında qeydə alınan ilk toqquşma olduğu öyrənilib.

Cənubi Çin dənizində Mübahisə

Filipin Skarboro Rifinin özünün müstəsna iqtisadi zonasında yerləşdiyini iddia edərkən, Çin isə rifin öz suverenliyində olduğunu irəli sürür. Çin rəhbərliyi Cənubi Çin dənizinin 80%-dən çoxunda suverenlik iddia edir. Enerji ehtiyatları ilə zəngin olan bu sularda təbii qaz və 11 milyard barel neft ehtiyatı var.

24 saat