Kazımcan Karataşı yaralayan şəxs barədə prokurorluq açıqlama yayıb

Futbol matçında təxribat: Çakmak atan şəxs yaxalandı

Türkiyə Super Liqasının derbi matçında yaşanan insident futbol ictimaiyyətində böyük rezonans doğurub. Fənərbaxça-Qalatasaray matçında Qalatasaraylı futbolçu Kazımcan Karataşa çakmak atan şəxs saxlanılıb və idman yarışlarından 1 il müddətinə uzaqlaşdırılıb.

Qalatasaray hüquq mübarizəsinə başlayır

Oyunçusunun hədəfə alınmasına sərt reaksiya verən Qalatasaray klubu, hadisənin "qəsdən adam yaralama" maddəsi üzrə araşdırılması üçün rəsmi şikayət edib. Klubun hüquq şöbəsi bu məsələnin sonuna qədər izləniləcəyini və bütün hüquqi addımların atılacağını bildirib.

Təqsirkar şəxs müəyyən edildi

Stadiondakı təhlükəsizlik kameralarını incələyən polis əməkdaşları, çakmağı sahaya atan şəxsin M.G. olduğunu müəyyən edib. Şübhəli şəxs polis tərəfindən saxlanılıb və 6222 saylı "İdmanda zorakılıq və nizamsızlığın qarşısının alınması" qanunu çərçivəsində istintaqa cəlb olunub.

İstanbul Baş Prokurorluğundan rəsmi açıqlama

İstanbul Anadolu Baş Prokurorluğundan verilən açıqlamada bildirilir: "01 dekabr 2025-ci il tarixində keçirilən Fənərbaxça-Qalatasaray futbol matçı zamanı sahaya atılan və futbolçu Kazımcan Karataşın üzünə dəyən çakmak hadisəsi ilə əlaqədar İdman Cinayətləri İstintaq Bürosu tərəfindən 6222 saylı 'İdmanda zorakılıq və nizamsızlığın qarşısının alınması' qanununa əsasən istintaq başladılıb. Kamera qeydlərinin incələnməsi nəticəsində hərəkəti törədən şübhəli şəxs barəsində həbs qərarı verilib, həmçinin şəxsə 1 il müddətinə idman yarışlarına girmə qadağası tətbiq edilib. İstintaq çərçivəsində maddi həqiqətin tam və hərtərəfli şəkildə üzə çıxarılması üçün bütün zəruri tədbirlər görülür."

24 saat