Los Anceles derbisində "Leykers" qalib gəldi

Los-Anceles Leykers komandası Emirates NBA Kuboku çərçivəsində öz meydanında Los-Anceles Klipers komandasını 135-118 hesabı ilə məğlub etdi.

Leykersin heyətində Luka Donçiç 43 xal, 13 asist və 9 ribaundla komandasının qələbəsinə böyük töhfə verdi. Ostin Rivz isə 31 xal və 9 ribaundla yadda qaldı. Lebron Ceyms 25 xal, Rui Haçimura isə 13 xal topladı.

Klipersin heyətində Ceyms Harden 29 xal və 9 asistlə fərqləndi. Kavi Leonard və Kris Dann hərəyə 19 xal, Con Kollinz isə 18 xalla oyunu başa vurdu.

Bu qələbə ilə Leykers kubokda 3 oyundan 3-də də qalib gələrək qrupdan çıxmağı bacardı.

Si-Cey Makkolumun 46 xal topladığı oyunda Vaşinqton Vizards Atlanta Hawksı 132-113 hesabı ilə məğlub edərək 14 oyunluq məğlubiyyət seriyasına son qoydu.

Aleks Sarrın 27 xal və 11 ribaundla "double double" etdiyi Vizardsda Kori Kispert baş barmağındakı zədə səbəbindən oyundan çıxmazdan əvvəl 19 xal qazandı.

Hawksda Kristaps Porzinqis 22 xal, Onyeka Okonqvu isə 20 xal topladı.

Orlando Magic 3 Oyundan 3 Qələbə Qazandı

Entoni Blekin 31 xalla karyera rekordunu qırdığı oyunda Orlando Magic Filadelfiya 76ersı 144-103 hesabı ilə darmadağın etdi.

Kubokda 3 oyundan 3-də də qalib gələn Magicdə Franz Vaqner 21 xal, Desmond Beyn isə 15 xal qazandı. 76ersın ən məhsuldar oyunçusu isə 20 xalla Tayriz Maksi oldu.

Magicin oyun qurucusu Jalen Suqqs iki komanda oyunçuları arasında baş verən mübahisədə iki texniki faul alaraq diskvalifikasiya olundu.

24 saat