Münhenə mübahisəli dəvət

ABŞ və Suriya Nümayəndə Heyətlərinin Gərgin Görüşü

SDG elebaşı Mazlum Abdi - Münhenə mübahisəli dəvət - ABŞ dövlət katibi Marko Rubio və Suriya xarici işlər naziri Həsən Şeybani konfrans çərçivəsində bir araya gəliblər. Görüşdə Suriya nümayəndə heyətində SDQ qruplaşmasının lideri Məzlum Abdi və xarici əlaqələr üzrə məsul İlham Əhməd də iştirak ediblər. Suriya Xarici İşlər Nazirliyindən görüşlə bağlı verilən açıqlamada, yerli və regional səviyyədəki inkişafların müzakirə edildiyi, Suriyanın birliyi, suverenliyi və ərazi bütövlüyünün vurğulandığı qeyd olunub. ABŞ-ın "Suriya hökumətinə, SDQ qruplaşması ilə bu yaxınlarda imzalanan inteqrasiya sazişinə və Suriya dövlətinin DAEŞ ilə mübarizə səylərinə dəstəyini təsdiqlədiyi" bildirilib. Digər tərəfdən, ABŞ-ın Türkiyədəki səfiri və Suriya üzrə xüsusi nümayəndəsi Tom Barrack görüşün fotosunu "Bir şəkil min sözə bərabərdir - yeni bir başlanğıc" qeydi ilə sosial şəbəkədə paylaşıb.

Türkiyənin Həssaslığı Niyə Nəzərə Alınmalıydı?

Həsən Kalyoncu Universiteti müəllimi və SETA-nın baş tədqiqatçısı Dos. Dr. Murat Aslan mövzu ilə bağlı verdiyi açıqlamada bildirib ki, Suriyada SDQ qruplaşması deyilən bir şey qalmayıb, YPG var. YPG isə bir terror təşkilatıdır. O, əlavə edib ki, Almaniya Məzlum Abdi və digər terrorçularla onsuz da əlaqədə idi. Yüksək ehtimalla, bu iki şəxsin dəvət edilməsi Almaniyanın Suriyada yürütdüyü siyasət vasitəsilə həyata keçirilir. Lakin diqqət yetirilməli əsas məqam Suriyadakı çevrilmədir. Onlar bu dəvəti zamanın ruhuna zidd bir şəkildə ediblər. Əgər siz Türkiyə də daxil olmaqla, dünyanın demək olar ki, bütün ölkələrindən gələn insanların qarşısına bu iki şəxsi kostyum, qalstuk və ya mülki geyimdə çıxarıb onlarla əl sıxışmasını təmin etsəniz, terror təşkilatı kimi müəyyən edilmiş bir qurumun üzvlərini legitimləşdirmış olarsınız. Almaniya müttəfiqi olduğu Türkiyənin həssaslığını nəzərə almalıydı.

Məsələnin Siyasi Yükü

Ankara Yıldırım Bəyazit Universiteti Hüquq Fakültəsinin müəllimi və DEHUKAM-ın baş tədqiqatçısı Prof. Yücel Acer isə bu barədə deyib: Almaniyanın etməli olduğu şey aydındır. Qırmızı bülletenlə axtarılır, normal şəraitdə nəzarətə alınaraq orada mühakimə edilməsi, yaxud Türkiyəyə ekstradisiya edilməsi tələb olunur. Lakin bu mövzu bir qədər siyasi xarakter daşıyır. Almaniyanın öhdəliyi bəllidir, lakin məsələ siyasi mahiyyət daşıyır.

24 saat